Bank Holidays In March 2025 : రిజర్వ్ బ్యాంక్ ఆఫ్ ఇండియా (ఆర్బీఐ) 2025 మార్చి నెలకు సంబంధించిన బ్యాంక్ సెలవుల జాబితాను విడుదల చేసింది. దీని ప్రకారం, దేశంలోని వివిధ బ్యాంకులకు 10 రోజుల పాటు సెలవులు ఉన్నాయి. వీటిలో కొన్ని జాతీయ సెలవులు, మరికొన్ని ప్రాంతీయ సెలవులు ఉన్నాయి. అందువల్ల కస్టమర్లు ఈ సెలవులను దృష్టిలో ఉంచుకుని, తమ అవసరాలకు అనుగుణంగా బ్యాంకింగ్ కార్యకలాపాలను ప్లాన్ చేసుకోవడం మంచిది.
List Of Bank Holidays In March 2025
2025 మార్చి నెలలో బ్యాంక్ సెలవుల జాబితా ఇదే!
- మార్చి 5 (బుధవారం) : పంచాయతీ రాజ్‌ దివస్ సందర్భంగా ఒడిశా, పంజాబ్‌, సిక్కిం రాష్ట్రాల్లోని బ్యాంకులకు సెలవు.
- మార్చి 7 (శుక్రవారం) : చాప్చర్‌ కుట్ పండుగ సందర్భంగా మిజోరంలోని బ్యాంకులకు సెలవు.
- మార్చి 8 (శనివారం) : రెండో శనివారం సందర్భంగా దేశవ్యాప్తంగా అన్ని బ్యాంకులకు సెలవు ఉంటుంది.
- మార్చి 14 (శుక్రవారం) : హోలీ సందర్భంగా దేశవ్యాప్తంగా ఉన్న అన్ని బ్యాంకులకు సెలవు. ఈ రోజు మణిపుర్‌లో యావోసాంగ్‌, బంగాల్‌లో డోల్‌జాత్రా పండుగలు ఉన్నాయి.
- మార్చి 22 (శనివారం) : బిహార్ డే సందర్భంగా బిహార్‌లోని బ్యాంకులకు సెలవు.
- మార్చి 23 (ఆదివారం) : భగత్‌సింగ్ వర్థంతి, సహీద్‌ దివస్ కూడా ఈ రోజే.
- మార్చి 25 (మంగళవారం) : డోల్ జాత్రా సందర్భంగా అసోం, బంగాల్‌, జమ్మూకశ్మీర్‌, దిల్లీలో; ధులండి సందర్భంగా రాజస్థాన్‌లోని బ్యాంకులకు సెలవు.
- మార్చి 28 (శుక్రవారం) : జమాత్-ఉల్-విదా సందర్భంగా ఛత్తీస్‌గఢ్‌లో, షబ్‌-ఎ-ఖద్ర్‌ సందర్భంగా జమ్మూకశ్మీర్‌లోని బ్యాంకులకు సెలవు.
- మార్చి 30 (ఆదివారం) : ఈ రోజు ఆంధ్రప్రదేశ్‌, తెలంగాణ, కర్ణాటకల్లో ఉగాది జరుపుకుంటారు. మహారాష్ట్రలో గుడి పడ్వా చేసుకుంటారు.
- మార్చి 31 (సోమవారం) : ఈద్‌-ఉల్-ఫితర్ సందర్భంగా దేశవ్యాప్తంగా ఉన్న బ్యాంకులకు సెలవు.
సెలవు దినాల్లో ఆర్థిక లావాదేవీలు జరపడం ఎలా?
How To Make Transactions In Bank Holidays : 2025 మార్చి నెలలో 10 రోజులపాటు బ్యాంకులకు సెలవులు ఉన్నప్పటికీ, ఇంటర్నెట్ బ్యాంకింగ్, మొబైల్ బ్యాంకింగ్ సేవలు మాత్రం యథావిధిగా కొనసాగుతాయి. అలాగే యూపీఐ, ఏటీఎం సేవలు కూడా ఎప్పటిలానే నడుస్తాయి. కనుక బ్యాంక్లకు వెళ్లకుండానే సులువుగా మీ ఆర్థిక లావాదేవీలను చక్కబెట్టుకోవచ్చు.
