'రాష్ట్రం అవినీతి రహితంగా ఉండాలంటే కాంగ్రెస్​ రావాలి'

Congress Candidate Tummala Nageswara Rao Comments on BRS : తెలంగాణ ఎన్నికలు దేశంలో కాంగ్రెస్ గెలుపునకు శ్రీకారం చుట్టబోతున్నాయని మాజీ మంత్రి, ఖమ్మం కాంగ్రెస్ అభ్యర్థి తుమ్మల నాగేశ్వరరావు అన్నారు. తెలంగాణలోని అన్ని వర్గాల ప్రజలు కాంగ్రెస్​కు ఓటు వేసేందుకు సిద్ధంగా ఉన్నారని తెలిపారు. ఎల్బీనగర్ కాంగ్రెస్ అభ్యర్థి మధుయాస్కీ గౌడ్​కు మద్దతుగా వనస్థలిపురంలో కమ్మ సామాజిక వర్గం నేతలతో తుమ్మల ప్రత్యేకంగా సమావేశం నిర్వహించారు. ఈ సందర్భంగా ఆయన మాట్లాడారు. హైదరాబాద్ విశ్వనగర అభివృద్ధిలో తెలుగుదేశం అధినేత చంద్రబాబు ఎంతో కృషి చేశారన్నారు. 

అలాంటి నగరంలో బీఆర్ఎస్​ ప్రభుత్వం అరాచకాలకు అడ్డు అదుపు లేకుండా పోయిందని తుమ్మల నాగేశ్వరరావు మండిపడ్డారు. ఎల్బీనగర్​లో మధుయాస్కీని గెలిపించడంలో కమ్మ సామాజిక వర్గం కీలకంగా వ్యవహరించాలని విజ్ఞప్తి చేశారు. తెలంగాణలో ప్రభుత్వం అవినీతి రహితంగా ఉండాలంటే కాంగ్రెస్​ అధికారంలోకి రావాల్సిందేనని అన్నారు. ఈ అసెంబ్లీ ఎన్నికల్లో  కాంగ్రెస్ పార్టీ 80కిపైగా స్థానాల్లో గెలుపొందుతుందనడంలో ఎలాంటి సందేహం లేదని ధీమా వ్యక్తం చేశారు.