'ప్రజాతీర్పును గౌరవిస్తాం - ప్రతి పక్షంలో అధికార తీరును ఎండగడతాం'

BRS Leaders Reacted To The Victory : తెలంగాణ ఎన్నికల్లో విజయం సాధించిన కాంగ్రెస్​ పార్టీ విజయ కేతనం ఎగరవేయగా గులాబీ పార్టీ నుంచి గెలిచిన నాయకులు ఈ ఫలితాలపై స్పందించారు. ఎన్నికల్లో ప్రజలిచ్చిన తీర్పును స్వాగతిస్తున్నామని బీఆర్​ఎస్​ తరఫున గెలిచిన మాజీ మంత్రులు తలసాని శ్రీనివాస్‌యాదవ్‌, జగదీష్‌రెడ్డి, మాజీ స్పీకర్‌ పోచారం శ్రీనివాస్‌రెడ్డి అన్నారు. అధికారం చేపట్టబోయే పార్టీ ఇచ్చిన హామీల అమలు అమలయ్యేలా చూస్తామని చెప్పారు. 

BRS Ex Ministers On Victory in Telangana Elections 2023 : తమ నియోజకవర్గాల్లోని కౌంటింగ్‌ కేంద్రాల రిటర్నింగ్‌ అధికారుల నుంచి గెలుపు ధృవీకరణ పత్రాలను అందుకున్న వీరు ప్రతిపక్ష పాత్రలో నిజాయితీగా పనిచేస్తామని తెలిపారు. తమ పని తాము చేసుకుంటూ వెళ్తామని, ప్రజాతీర్పుకు రుణపడి ఉంటామని పోచారం అన్నారు. ప్రజలు మార్పు కోరుకున్నారని జగదీష్​ రెడ్డి తెలిపారు. చాలా తక్కువ సమయంలో ఎంతో అభివృద్ధి చేశామని తలసాని చెప్పారు. ప్రతిపక్షంలో ఉండి తమ పాత్ర పోషిస్తామని వెల్లడించారు.