'నేను చేసిన అభివృద్ధే నన్ను గెలిపిస్తుంది - బీఆర్ఎస్ హ్యాట్రిక్ ఖాయం'

BRS Candidate Devireddy Sudheer Reddy Election Campaign : నియోజకవర్గంలో తను చేసిన అభివృద్ధి పనులే  గెలిపిస్తుందని ఎల్బీనగర్ బీఆర్ఎస్ అభ్యర్థి దేవిరెడ్డి సుధీర్​రెడ్డి ధీమా వ్యక్తం చేశారు. అసెంబ్లీ ఎన్నికల నేపథ్యంలో ఆయన ఎల్బీనగర్ నియోజకవర్గం పరిధిలోని హస్తినాపురం డివిజన్​లో ప్రచారం నిర్వహించారు. ఇంటింటి ప్రచారంలో భాగంగా ఓటర్లను ఓటు వేయాలని అభ్యర్థించారు. నియోజకవర్గంలో ఇక్కడికి వెళ్లిన ప్రజలు బ్రహ్మరథం పడుతున్నారని చెప్పారు. ఎల్బీనగర్​ నియోజకవర్గంలో అత్యధిక మెజారిటీతో గెలిస్తానని ఆశాభావం వ్యక్తం చేశారు. 

ప్రభుత్వం అమలు చేసిన సంక్షేమ పథకాలతో పాటు అభివృద్ధి పనుల వల్ల మరోసారి బీఆర్ఎస్ పార్టీ అధికారంలోకి వస్తుందని దేవిరెడ్డి సుధీర్​రెడ్డి జోస్యం చెప్పారు. ఈ ఎన్నికల్లో కచ్చితంగా బీఆర్ఎస్ అధినేత, ముఖ్యమంత్రి కేసీఆర్ మూడోసారి కూడా సీఎం అవ్వడం ఖాయమని అన్నారు. ఈ క్రమంలో నందనవనం ప్రజలు బీఆర్ఎస్ అభ్యర్థి దేవిరెడ్డి సుధీర్​రెడ్డికి హారతులు ఇచ్చారు. వారు కారు గుర్తుకే ఓటేస్తామంటూ నినాదాలు చేశారు.