ప్రొటెం స్పీకర్​గా అక్బరుద్దీన్​ ఒవైసీ నియామకం - గవర్నర్​కు బీజేపీ నేతల ఫిర్యాదు

BJP Leaders Complaint to Governor About Appointment of Akbaruddin Owaisi as Protem Speaker : శాసనసభలో ఐదుగురు సీనియర్​ నాయకులను కాదని ఎంఐఎం రాష్ట్ర అధ్యక్షుడు అక్బరుద్దీన్​ ఓవైసీని ప్రొటెం స్పీకర్​గా నియమించడాన్ని వ్యతిరేకిస్తూ రాష్ట్ర బీజేపీ నేతలు గవర్నర్​ తమిళిసైని కలిశారు. ఈ విషయాన్ని గవర్నర్​ దృష్టికి తీసుకెళ్లామని చెప్పారు. సంప్రదాయానికి విరుద్ధంగా కాంగ్రెస్​ ప్రభుత్వం వ్యవహరిస్తోందని మండిపడ్డారు. అందుకే తామంతా ప్రమాణ స్వీకారాన్ని వాయిదా వేశామని తెలిపారు. ఈ మేరకు అధికారపక్షం అక్బరుద్దీన్​ను నియమించి గత స్నేహాన్ని పునరావృతం చేయాలని చూస్తోందని బీజేపీ నేతలు విమర్శించారు. 

Protem Speaker Akbaruddin Owaisi : శుక్రవారం గోషామహల్​ బీజేపీ ఎమ్మెల్యే రాజాసింగ్​ మాట్లాడుతూ ఎంఐఎం ఎమ్మెల్యే అక్బరుద్దీన్​ ఓవైసీ ప్రొటెం స్పీకర్​గా ఉంటే తాను ఎమ్మెల్యేగా ప్రమాణస్వీకారం చేయనని తేల్చి చెప్పారు. సభలో ఐదుగురు సీనియర్​ నేతలు ఉండగా, ఎంఐఎం పార్టీకి చెందిన వ్యక్తినే ఎందుకు ప్రొటెం స్పీకర్​గా ఎన్నుకున్నారంటూ మండిపడ్డారు. మళ్లీ మీరు కూడా బీఆర్​ఎస్​ లాగే దోస్తీకి చూస్తున్నారా అంటూ విమర్శలు చేశారు.