బంక్​లో పెట్రోల్​ ట్యాంక్​ నిండి బైక్​లో చెలరేగిన మంటలు

Bike Catches Fire at Petrol Bunk in Suraram : కుత్బుల్లాపూర్​లో సూరారం పీఎస్​ పరిధిలోని జీడిమెట్ల బస్​ డిపో వద్ద ఇండియన్​ పెట్రోల్​ బంక్​లో భారీ ప్రమాదం తప్పింది. బంక్​ వద్ద పెట్రోల్​ ఓవర్​ ఫ్లో అయ్యి బైక్ ఇంజిన్​ మీద పడటంతో ఒక్కసారిగా మంటలు చెలరేగి ద్విచక్ర‌ వాహనం​ పూర్తిగా దగ్ధమైంది. మహేశ్​ అనే ద్విచక్ర‌ వాహనదారుడు తన బైక్​లో పెట్రోల్​ ఫుల్​ ట్యాంక్​ చేయించుకున్నారు. అదే సమయానికి పెట్రోల్ ఓవర్ ఫ్లో అయ్యి ఇంజిన్ మీద పడటంతో బైక్​కు మంటలు అలుముకున్నాయి.

పెట్రోల్​ బంక్​ సమీపంలో ఫైర్ స్టేషన్ ఉండటంతో వెంటనే అగ్నిమాపక సిబ్బంది చేరుకొని మంటలను అదుపులోకి తెచ్చారు. ఈ ఘటన జరుగుతున్న సమయంలో అక్కడున్న స్థానికులు ఒక్కసారిగా భయభ్రాంతులకు గురయ్యారు. బంక్ పేలిపోకుండా పెద్ద ప్రమాదం నుంచి తప్పించుకున్నామని అందరూ ఊపిరి పీల్చుకున్నారు. ఇలాంటి ఘటనలు ఈ మధ్య తరుచుగా జరుగుతున్నాయని, కాస్త పెట్రోల్​ బంక్​లో వాహనదారులు జాగ్రత్తగా ఉండాలని నిపుణులు సూచిస్తున్నారు.