రాష్ట్రంలో మదినిండుగా భోగి సంబరాలు

రాష్ట్రంలో సంక్రాంతి శోభ మొదలైంది. ఇందులో భాగంగా భోగి పండుగను.. సంక్రాంతి సంబరాల్లోకి ప్రత్యేక ఆహ్వానంగా భావిస్తారు. ఈ క్రమంలోనే తెల్లవారుజామునే లేచి ఇళ్ల ముందు.. విభిన్న రంగులతో రంగవల్లులు వేస్తూ చిన్నా పెద్దా సందడి చేశారు. ఆవు పేడతో చేసిన పిడకలు, తాటాకులు, చెట్ల కర్రలతో వేసే భోగి మంటలతో.. బద్ధకంతో పాటు మదిలోని నిరాశానిస్పృహలనూ వదిలిస్తాయని ప్రజలు విశ్వసిస్తారు.