కాంగ్రెస్, బీఆర్ఎస్ గెలిస్తే కచ్చితంగా ఉపఎన్నిక వస్తుంది : బండి సంజయ్

Bandi Sanjay Comments on BRS : ఎన్నికల తర్వాత కేసీఆర్ కచ్చితంగా.. కేటీఆర్​ను సీఎం చేస్తారని బీజేపీ జాతీయ ప్రధాన కార్యదర్శి బండి సంజయ్​ అన్నారు. కాంగ్రెస్​, బీఆర్​ఎస్​ రెండు పార్టీలో ఏది గెలిచినా.. కొద్దిరోజుల్లోనే రాష్ట్రంలో ఉపఎన్నికలు కచ్చితంగా వస్తాయని తెలిపారు. కరీంనగర్​ జిల్లాలోని చొప్పదండిలో బీజేపీ కార్యకర్తల సమావేశంలో పాల్గొన్నారు.

మునుగోడు ఉపఎన్నికల్లో బీఆర్​ఎస్​ నాయకులు అధిక సంఖ్యలో ఎమ్మెల్యేలను పెట్టి.. డబ్బులు పంచినా కేవలం 10 వేల ఓట్లు ఆధిక్యంతోనే బీఆర్​ఎస్​ గెలిచిందని బండి సంజయ్ అన్నారు.  రాష్ట్రంలో జరిగిన ఉపఎన్నికల్లో బీజేపీ అసలు గెలిచే అవకాశం లేదని.. ఆ పార్టీ పోటీకే రాదని నాయకులు అన్న విషయాలను బండి సంజయ్ గుర్తు చేశారు. వారు అనుకున్నదానికి వ్యతిరేకంగా బీజేపీ గెలిచి చూపించిందని తెలిపారు. వచ్చే ఎన్నికల్లో కూడా అదే రిపీట్​ అవుతుందని ధీమా వ్యక్తం చేశారు. కేసీఆర్ నిరంకుశ పాలనను చూసి రాష్ట్ర ప్రజలు విసిగిపోయారని అన్నారు. ఈ ఎన్నికల్లో బీఆర్ఎస్​ పార్టీకి బుద్ధి చెబుతూ బీజేపీని గెలిపిస్తారని ఆశా భావం వ్యక్తం చేశారు.