Auto Driver Killed by Falling Tree Live Video : ఆటోలపై కుప్పకూలిన భారీ వృక్షం.. డ్రైవర్‌ మృతి

Auto Driver Killed by Falling Tree Live Video in Hyderabad : ప్రమాదవశాత్తు ఓ భారీ వృక్షం కూలిపోవడంతో.. దాని కింద పడి ఓ ఆటో డ్రైవర్ మృతి చెందాడు. ఈ ఘటన హైదరాబాద్​లో జరిగింది. ప్రత్యక్షసాక్షులు తెలిపిన వివరాల ప్రకారం.. హైదరాబాద్​లోని సోమజిగూడా ఎమ్​ఎస్ మక్త ప్రాంతానికి చెందిన ఆటో డ్రైవర్ మహ్మద్ గౌస్ పాషా.. హిమాయత్ నగర్ నుంచి బషీర్​బాగ్ వైపు వెళ్తున్నాడు. హైదర్​గూడ ఎమ్మెల్యే క్వార్టర్స్ ఎదురుగా ట్రాఫిక్ సిగ్నల్ పడటంతో  డ్రైవర్ ఆటోను నిలిపాడు. ఇదే సమయంలో పక్కనే ఫుట్​పాత్​పై ఉన్న భారీ వృక్షం(Huge Tree) ఒక్కసారిగా కూలి నేరుగా ఆటోలపై పడింది. వృక్షం మీద పడటంతో ఆటోలో ఉన్న డ్రైవర్(Auto Driver) గౌస్​ పాషా ప్రాణాలతో కొట్టుమిట్టాడుతూ అక్కడికక్కడే మృతి చెందాడు. ఈ ఘటనలో పక్కనే ఉన్న మరో ఆటో ధ్వంసమైంది. ఈ ఘటన కారణంగా కాసేపు ఆ ప్రాంతంలో ట్రాఫిక్​ నిలిచిపోయింది.  

Auto Driver Died Due to Tree at Hyderguda MLA Quarters : విషయం తెలుసుకుని ఘటనా స్థలానికి చేరుకున్న జీహెచ్ఎంసీ డీఆర్ఎఫ్ సిబ్బందితో కలిసి ట్రాఫిక్ పోలీసులు భారీ వృక్షాన్ని తొలగించారు. కేసు నమోదు చేసుకున్న నారాయణగూడ పోలీసులు మృతదేహాన్ని శవ పరీక్ష నిమిత్తం ఉస్మానియా ఆసుపత్రి శవాగారానికి తరలించారు. స్థానిక హిమాయత్​నగర్ బీజేపీ కార్పొరేటర్ మహాలక్ష్మి రామన్ గౌడ్.. ఘటనా స్థలానికి చేరుకుని సంబంధిత అధికారులతో మాట్లాడి చెట్టు వేగవంతంగా తొలగించారు. హిమాయత్​నగర్ డివిజన్​లో 14 చెట్లు ఎప్పుడు కూలిపోతాయో తెలియదని.. వాటిని తొలగించాలని జీహెచ్ఎంసీ అధికారుల దృష్టికి తీసుకెళ్లినా పట్టించుకోలేదని కార్పొరేటర్ పేర్కొన్నారు. ముందు జాగ్రత్తగా ఉంటే ఈ ప్రమాదం జరిగేది కాదని తెలిపారు.