గెట్​రెడీ ఫ్యాన్స్- భారత్ తరఫున బరిలోకి సచిన్, యువీ- ఫ్రీగా స్ట్రీమింగ్ ఎక్కడంటే?

మళ్లీ మైదానంలోకి సచిన్ తెందూల్కర్, యువరాజ్ సింగ్​- లైవ్ ఎక్కడ చూడాలంటే?

Ind Masters Vs SL Masters 2025 : క్రికెట్ లవర్స్​కు కిక్ ఇచ్చే న్యూస్. ప్రస్తుతం ఛాంపియన్స్​ ట్రోఫీ, డబ్ల్యూపీఎల్ 2025తో క్రికెట్ ఫ్యాన్స్ చిల్ అవుతుండగా, ఇప్పుడు మరో టోర్నీ వాళ్లందరినీ ఎంటర్టైన్ చేసేందుకు సిద్ధమైంది. ఇంటర్నేషనల్ మాస్టర్స్ లీగ్ (IML) తొలి సీజన్ శనివారం (ఫిబ్రవరి 22) ప్రారంభం కానుంది. ఈ టోర్నీలో ఓపెనింగ్​ మ్యాచ్ భారత్- శ్రీలంక జట్ల మధ్యే జరగనుంది. ఈ ఐకానిక్ మ్యాచ్​కు ముంబయిలోని డీవై పాటిల్ స్టేడియం వేదిక కానుంది.

కాగా, ఈ టోర్నమెంట్​లో టీమ్ఇండియాకు మాస్టర్ బ్లాస్టర్ సచిన్ తెందూల్కర్ నాయకత్వం వహిస్తున్నాడు. దీంతో క్రికెట్ అభిమానులకు సచిన్​ను మరోసారి బ్యాటర్‌గానే కాదు కెప్టెన్‌గానూ చూసే అరుదైన అవకాశం వచ్చింది. సచిన్ మళ్లీ బ్యాట్ అందుకొని భారత్ తరఫున బరిలోకి దిగితే చూడాలని చాలామంది ఆత్రుతగా ఎదురుచూస్తున్నారు.

𝑨𝒍𝒍 𝒕𝒉𝒆 𝒘𝒂𝒚 🆙 📸

Putting in the work! 💪 The India Masters are gearing up for an electrifying season ahead! 🔋

🎥 them LIVE from Feb 22nd, 7:00 PM onwards on @JioHotstar, @Colors_Cineplex & @CCSuperhits! 📺 📲 pic.twitter.com/mF5k3IuiAb

— INTERNATIONAL MASTERS LEAGUE (@imlt20official) February 21, 2025

దశాబ్దం తర్వాత
ఇక ఈ జట్టులో మాజీ ఆల్​రౌండర్ యువరాజ్ సింగ్ కూడా ఉన్నాడు. శ్రీలంకతో మ్యాచ్​లో యువీ బరిలోకి దిగనున్నాడు. దీంతో దశాబ్ద కాలం తర్వాత సచిన్- యూవీ మైదానంలో కలిసి ఆడనున్నారు. ఈ జోడీ 2011 వన్డే వరల్డ్​కప్​లో ఎన్నో చిరస్మరణీయ ఇన్నింగ్స్​లు ఆడింది. వీరిద్దరూ మళ్లీ టీమ్ఇండియా జెర్సీ ధరించి ప్రేక్షకులను అలరించడానికి రెడీ అయ్యారు. ఈ ఐకానిక్ మ్యాచ్​ కోసం యావత్ దేశం ఎదురుచూస్తోంది.

Alexa play ▶️ 'Aaya sher, aaya sher' 🦁#IMLT20 #TheBaapsOfCricket #IndiaMasters pic.twitter.com/eqFdRasRM0

— INTERNATIONAL MASTERS LEAGUE (@imlt20official) February 21, 2025

మ్యాచ్​లు ఎక్కడ జరగనున్నాయి?

• IML మ్యాచ్‌లకు భారత్‌లోని మూడు ప్రధాన నగరాలు ఆతిథ్యం ఇవ్వనున్నాయి. తొలి ఐదు మ్యాచ్‌లు నవీ ముంబయిలో షెడ్యూల్‌ చేశారు. ఆ తర్వాతి మ్యాచ్‌లు రాజ్‌కోట్‌లో నిర్వహిస్తారు. సెమీస్ ఇంకా, ఫైనల్ మ్యాచ్‌లకు రాయ్‌పూర్ వేదిక కానుంది.

లైవ్ ఎక్కడ చూడవచ్చు?

• IML మ్యాచ్‌లను డిస్నీ+ హాట్‌స్టార్ (వయా జియోస్టార్), కలర్స్ సినీప్లెక్స్ (SD & HD), కలర్స్ సినీప్లెక్స్ సూపర్‌హిట్స్‌ ద్వారా లైవ్‌ చూడవచ్చు. అన్ని మ్యాచ్‌లు రాత్రి 7:30 గంటలకు ప్రారంభమవుతాయి.

ఫ్రీగా చూడవచ్చా?

• IML మ్యాచ్​ల ప్రసార హక్కులు జియోస్టార్ దక్కించుకుంది. లైవ్ స్ట్రీమింగ్​ కావాలంటే సబ్​స్ర్కిప్షన్ తీసుకోవాల్సి ఉంటుంది. అయితే ఆయా నెట్​వర్క్​ యూజర్లకు సంబంధిత రీఛార్జ్ ప్లాన్స్​తో జియోస్టార్ ఉచితంగా స్ట్రీమింగ్​ అందుబాటులో ఉండనుంది.

భారత్ మాస్టర్స్ జట్టు : సచిన్ తెందూల్కర్ (కెప్టెన్), సౌరభ్ తివారీ, గుర్​కీరత్ సింగ్ మాన్, అంబటి రాయుడు, యువరాజ్ సింగ్, స్టువర్ట్ బిన్నీ, యూసుఫ్ పఠాన్, ఇర్ఫాన్ పఠాన్, పవన్ నేగి, నమన్ ఓజా, అభిమన్యు మిథున్, ధవల్ కులకర్ణి, రాహుల్ శర్మ, షాబాజ్ నదీమ్, వినయ్ కుమార్

𝑷𝒓𝒆𝒑 𝑴𝒐𝒅𝒆: 🔛

India Masters & Sri Lanka Masters are fine-tuning their game 🏏 as they are set for the big stage! 🏆 The 𝒃𝒂𝒕𝒕𝒍𝒆 𝒃𝒆𝒈𝒊𝒏𝒔 𝒕𝒐𝒎𝒐𝒓𝒓𝒐𝒘 ⚔️#TheBaapsOfCricket #IMLonJioHotstar #IMLonCineplex #IndiaMasters #SriLankaMasters pic.twitter.com/7PzRzSUJC4

— INTERNATIONAL MASTERS LEAGUE (@imlt20official) February 21, 2025