మద్యం మత్తులో పాముతో స్టంట్స్.. పెదవిపై కాటేయగానే..

సరదాగా కుక్కలతో, పిల్లులతో ఆడతాం. కానీ ఒక వ్యక్తి ఏకంగా విషపూరితమైన పాముతో వినోదం కోసం ఆడి ప్రాణాలు కోల్పోయాడు. బిహార్​లోని సివాన్​లో మద్యం మత్తులో ఓ యువకుడు తాచుపామును పట్టుకుని.. ఊరి జనం చూస్తున్నారని వింత విన్యాసాలు చేశాడు. కొన్నిసార్లు పామును నోట్లో, భుజాలపై పెట్టుకొని ఆడాడు. తిత్రా హరిజన్​ తోలా ప్రాంతానికి చెందిన ఇంద్రజీత్​ అనే వ్యక్తి.. మద్యం మత్తులో చేస్తున్న విన్యాసాలను స్థానికులు ఒకింత భయంతో అలానే గుమిగూడి చూశారు. మూడు, నాలుగు సార్లు నోట్లో పెట్టుకొని తీస్తుండగా పాము పెదవిపై కాటేసింది. దాంతో ఆ వ్యక్తి అక్కడికక్కడే కుప్పకూలాడు. గ్రామస్థులు అతడిని ఆస్పత్రికి తరలించినా లాభం లేకపోయింది. ఇంద్రజీత్ మరణించినట్లు వైద్యులు ధ్రువీకరించారు.