MS Dhoni Cutout: ధోనీ బర్త్​డే సెలబ్రేషన్స్.. 77 అడుగుల భారీ కటౌట్.. ఎక్కడంటే..?

MS Dhoni Cutout at Nandigama: భారత్ క్రికెట్ టీం మాజీ కెప్టెన్ మహేంద్ర సింగ్ ధోనీపై.. అతని అభిమానులు చూపించే ప్రేమ గురించి ఎంత చెప్పినా తక్కువే అవుతుంది. ఈ సారి ధోనీ ఫ్యాన్స్.. అతనిపై అభిమానాన్ని 77 అడుగుల భారీ కటౌట్ రూపంలో చూపించారు. విజయవాడ - హైదరాబాద్ జాతీయ రహదారి పక్కన ఎన్టీఆర్ జిల్లా నందిగామ మండలం అంబారుపేటలో భారత్ క్రికెట్ టీం మాజీ కెప్టెన్ మహేంద్ర సింగ్ ధోనీ భారీ కటౌట్​ను అభిమానులు ఏర్పాటు చేశారు. ధోనీ జన్మదిన వేడుకల్లో భాగంగా 77 అడుగుల ఎత్తు కటౌట్​ను అంబారుపేట గ్రామంలో జాతీయ రహదారి పక్కన  ఏర్పాటు చేసి అభిమానాన్ని చాటుకున్నారు. గత ఏడాది కూడా ఇదే ప్రాంతంలో సుమారు 44 అడుగుల ఎత్తులో ధోనీ కటౌట్​ను ఆవిష్కరించారు. ఈసారి 100 అడుగుల ఎత్తులో కటౌట్ ఏర్పాటు చేయాలని ముందుగా నిర్ణయించినప్పటికీ.. వాహనదారుల భద్రతను దృష్టిలో పెట్టుకొని 77 అడుగులే ఏర్పాటు చేశారు. జాతీయ రహదారిపై వెళ్తున్న వాహనదారులకు ధోనీ భారీ కటౌట్​ను ఆసక్తిగా చూస్తున్నారు.