Fire accident: కాటేదాన్​ పారిశ్రామిక వాడలో అగ్ని ప్రమాదం

రంగారెడ్డి జిల్లా మైలార్​ దేవ్​పల్లిలోని కాటేదాన్​ పారిశ్రమ వాడలో అగ్ని ప్రమాదం చోటుచేసుకుంది. ప్లాస్టిక్​ గోదాం, టీ స్టాల్​లో షార్ట్​ సర్క్యూట్​ కారణంగా మంటలు చెలరేగాయి. ఘటనలో రెండు గ్యాస్​ సిలిండర్లు పేలడంతో పాటు సామగ్రి, 4 మార్కెట్​ షెడ్లు దగ్ధమయ్యాయి. మంటలు ఉవ్వెత్తున ఎగిసిపడటంతో స్థానికులు భయాందోళనకు గురయ్యారు. ప్రమాద సమయంలో లోపల ఎవరూ లేకపోవడంతో ప్రాణ నష్టం తప్పింది. సంఘటనా స్థలానికి అగ్ని ప్రమాద సిబ్బంది చేరుకొని మంటలను ఆర్పివేశారు. ప్రస్తుతం పరిస్థితి అదుపులో ఉంది.