కార్లు, బైక్​లతో ఇంటర్​ విద్యార్థుల స్టంట్​ షో.. పోలీసుల షాక్​!

Car Stunt Races: కేరళ కోజికోడ్‌లో ఇంటర్‌ విద్యార్థులు కార్లు, ద్విచక్ర వాహనాలతో ప్రమాదకర విన్యాసాలు చేశారు. ఈ ఘటనలో ఇద్దరు విద్యార్థులు గాయపడ్డారు. ఇంటర్‌ ద్వితీయ సంవత్సరం ఫైనల్‌ పరీక్షలు పూర్తయిన సందర్భంగా విద్యార్థులు సంబరాలు చేసుకున్నట్లు తెలుస్తోంది. పెద్ద ఎత్తున కార్లు, ద్విచక్ర వాహనాలతో కోజికోడ్‌లోని మలబార్‌ క్రిస్టియన్‌ కళాశాల మైదానంలో గుండ్రంగా చక్కర్లు కొడుతూ కేరింతలు కొట్టారు. ఈ క్రమంలో ఓ ద్విచక్రవాహనాన్ని కారు ఢీకొట్టగా ఇద్దరు విద్యార్థులు గాయపడ్డారు. ఘటనపై మోటర్‌ వాహనాల చట్టాల కింద పోలీసులు కేసు నమోదు చేశారు. కనీసం డ్రైవింగ్​ లైసెన్స్​ పొందే వయసు కూడా లేదని చెప్పారు. బాలురతో పాటు బాలికలు సైతం ఇందులో పాల్గొన్నట్లు తెలిపారు.