పండుగ సీజన్​లో కొత్త 'ట్రెండ్స్'పై ఓ లుక్కేయండి!

దసరా, దీపావళి, పెళ్లిళ్ల సీజన్​ను దృష్టిలో పెట్టుకుని హైదరాబాద్​ బంజారాహిల్స్​లోని ఓ హోటల్​లో ట్రెండ్స్ పేరిట వస్త్రాభరణాల ప్రదర్శన ఏర్పాటు చేశారు. దీనిని మోడల్, వర్ధమాన నటి సింధూరెడ్డి, ప్రముఖ డిజైనర్ చందనా, వ్యాపారవేత్త మమతారెడ్డి, నిర్వాహకురాలు శాంతి ప్రారంభించారు. పండుగ సీజన్​లో మహిళలకు కావాల్సిన అన్నిరకాల వస్త్రాలు, ఆభరణాలు ఒకే వేదికపై ఏర్పాటు చేయడం ఆనందంగా ఉందని సింధూరెడ్డి తెలిపారు. ఈ ప్రదర్శన మూడు రోజులపాటు కొనసాగనుంది. ఇందులో దేశవ్యాప్తంగా ఉన్న దాదాపు 80 మంది డిజైనర్లు రూపొందించిన ఉత్పత్తులను నగర ఫ్యాషన్ ప్రియులకు అందిస్తున్నట్లు నిర్వాహకురాలు తెలిపారు.