చెడ్డీ గ్యాంగ్​ను మించిన దొంగ- ఒంటిపై బట్టల్లేకుండా చోరీలు

తమిళనాడులో ఓ దొంగ చెడ్డీ గ్యాంగ్​ను మించిపోయాడు. అర్ధరాత్రి సమయంలో ఒంటిపై బట్టల్లేకుండా వరుస చోరీలకు పాల్పడుతున్నాడు. టూ వీలర్​, ఫోర్ వీలర్ వాహన షోరూంలే లక్ష్యంగా కోయంబత్తూర్​, చెన్నై, మధురైలోని 17ప్రదేశాల్లో దొంగతనాలు చేశాడు. సీసీటీవీ ఫుటేజీలను పరిశీలించిన సింగనళ్లూరు పోలీసులు ఎట్టకేలకు అతడిని పట్టుకున్నారు. షోరూం బయటి వరకు దుస్తులు ధరించి వెళ్లే ఈ దొంగ.. లోపలికి మాత్రం నగ్నంగా ప్రవేశిస్తాడు. అయితే తన దుస్తులు చూసి పోలీసులు గుర్తుపట్టొద్దనే కారణంతోనే నగ్నంగా వెళ్తున్నట్లు అతడు విచారణలో తెలిపాడు.