శానిటైజర్​ కంపెనీలో ప్రమాదం.. రెండు భవనాలు దగ్ధం

కేరళ అళువా ఇడయార్​ పారిశ్రామిక ప్రాంతంలోని ఒరియన్​ అనే శానిటైజర్ కంపెనీలో భారీ అగ్ని ప్రమాదం సంభవించింది. ఆదివారం తెల్లవారుజామున జరిగిన ఈ ఘటనలో రెండు భవనాలు పూర్తిగా దగ్ధమయ్యాయి. వెంటనే అక్కడకు చేరుకున్న అగ్నిమాపక సిబ్బంది 30 ఫైర్​ ఇంజిన్​ వాహనాలతో దాదాపు 3 గంటలపాటు శ్రమించి మంటలను అదుపులోకి తెచ్చారు. షార్ట్​ సర్క్యూట్​ వల్ల ఈ ప్రమాదం జరిగినట్లు అధికారులు ప్రాథమికంగా నిర్ధరించారు.