రోడ్డుపై టమాటాలు పారబోసి రైతుల ఆందోళన

మహారాష్ట్రలో టమాటా రైతుల పరిస్థితి దయనీయంగా మారింది. గిట్టుబాటు ధర లేకపోవటం వల్ల టన్నులకొద్దీ టమాటాలను రోడ్లపై పారబోశారు రైతులు. ఈ సీజన్‌లో భారీ వర్షాలు కురవటం వల్ల పలు జిల్లాల్లో టమాటా సాగుతోపాటు దిగుబడి పెరిగింది. అయితే హోల్‌సేల్‌ మార్కెట్లో కిలో టమాటా ధర రూ.2-3 పడిపోవటం వల్ల.. రవాణా ఖర్చులు కూడా రాని పరిస్థితులు నెలకొన్నాయి. దీనితో నాసిక్‌, ఔరంగాబాద్‌లో రైతులు టమాటాలను రోడ్లపై పారబోశారు.