గంగా సప్తమిన వారణాసిలో ప్రత్యేక పూజలు

గంగా సప్తమిని పురస్కరించుకుని వారణాసిలో గంగానదికి ప్రత్యేక పూజలు చేశారు. వేద మంత్రోచ్ఛరణల మధ్య గంగా హారతి నిర్వహించారు. సూర్యోదయానికి మునుపే వేలాదిగా తరలివచ్చిన భక్తులు పుణ్య స్నానాలు ఆచరించారు. ఏటా వైశాఖ శుద్ధ సప్తమిన ఈ ప్రత్యేక పూజలు నిర్వహిస్తారు. గంగాదేవి అవతరించిన వైశాఖ శుద్ధ సప్తమిని గంగా సప్తమి అంటారు. భగీరథుని తపస్సుకు మెచ్చి ఆకాశ గంగ నేలకు చేరిందని నానుడి.