దిల్లీలో ఆప్​, భాజపా కార్యకర్తల మధ్య ఘర్షణ

దిల్లీలో ఆమ్​ ఆద్మీ పార్టీ, భాజపా కార్యకర్తల మధ్య ఘర్షణ తలెత్తింది. గీతా కాలనీలోని ఆమ్​ ఆద్మీ పార్టీ ఎమ్మెల్యే ఎస్​.కే.బగ్గా కార్యాలయంలో ఇరు పార్టీల నేతల మధ్య వాగ్వివాదం చోటు చేసుకుంది. ఎమ్మెల్యే కార్యాలయంలోకి వచ్చి భాజపా కార్యకర్తలు నినాదాలు చేశారని, కార్యాలయ సిబ్బందిపై చేయి చేసుకున్నారని ఆప్ కార్యకర్తలు ఆరోపించారు. తూర్పు దిల్లీ మున్సిపల్ కార్పొరేషన్​ స్టాండింగ్ కమిటీ చైర్మన్, భాజపా మెడికల్ సెల్​ ఉపాధ్యక్షుడు అనిల్ గోయల్ నేతృత్వంలో కార్యకర్తలు కార్యాలయ ముట్టడి చేసినట్లు ఆప్​ నేతలు చెప్పారు.