పంజాబ్​ వీధుల్లో పరుగులు పెట్టించి మరీ..!

ఫోన్​ దొంగలించేందుకు వచ్చిన కేటుగాళ్లను పరుగులు పెట్టించి మరీ పట్టుకుంది ఓ 15 ఏళ్ల బాలిక. పంజాబ్​ జలంధర్​ నగరంలోని దీన్​ దయాళ్​ ఉపాధ్యాయ నగర్​లో కుసుమ కుమారి నడుచుకుంటూ వెళ్తుండగా ఇద్దరు దుండగులు బైక్​పై వచ్చి ఆమె ఫోన్​ లాక్కునే ప్రయత్నం చేశారు. ప్రతిఘటించిన బాలిక అందులో ఒకరిని బైక్​ ఎక్కకుండా నిలువరించింది. దుండగుడు దాడి చేస్తున్నప్పటికీ వెరవకుండా పోరాడింది. బైక్​ వెనుక పరిగెత్తి మరీ కేటుగాళ్లను పట్టుకునే ప్రయత్నం చేసింది. ఇది చూసిన చుట్టుపక్కలవారు ఆ దుండగుడ్ని పట్టుకుని పోలీసులకు అప్పగించారు. బాలిక ధైర్యాన్ని కొనియాడారు. ఈ దృశ్యాలు అక్కడి సీసీటీవీ కెమెరాల్లో రికార్డయ్యాయి.