ఎమ్మెల్యే బంధువుల వేధింపులు.. స్టేషన్​లో వెక్కివెక్కి ఏడ్చేసిన కానిస్టేబుల్

ఉత్తర్​ప్రదేశ్​ ఉన్నావ్​లో భాజపా ఎమ్మెల్యే అశుతోశ్ శుక్లా బంధువులు వేధించడం వల్ల ఓ ట్రాఫిక్ కానిస్టేబుల్​ కన్నీళ్లుపెట్టుకున్నారు. పోలీస్ స్టేషన్​లోనే వెక్కివెక్కి ఏడ్చేశారు. ఇందుకు సంబంధించిన వీడియో బయటకు వచ్చింది. సైరన్​లతో వెళ్తున్న వాహనాలను అడ్డగించి, ఫొటోలు తీయాలని ప్రయత్నించడమే ఈ ట్రాఫిక్ కానిస్టేబుల్ చేసిన తప్పు! 'మా వాహనాలనే అడ్డగిస్తావా' అంటూ కానిస్టేబుల్​తో గొడవపడ్డారు ఎమ్మెల్యే బంధువులు. కానిస్టేబుల్​ను గట్టిగా బెదిరించి.. స్థానిక పోలీస్ స్టేషన్​కు తీసుకొచ్చి పంచాయతీ పెట్టారు. పోలీస్ స్టేషన్​లోనూ తమ కావరాన్ని ప్రదర్శించారు ఎమ్మెల్యే బంధువులు. ఈ క్రమంలో కానిస్టేబుల్ ఏడుస్తూ కనిపించారు. పక్కన ఉన్న పోలీసులు ప్రేక్షక పాత్రను చక్కగా పోషించారు. ఈ వీడియో సోషల్ మీడియాలో వైరల్ అయినప్పటికీ.. పోలీసు ఉన్నతాధికారులెవరూ స్పందించకపోవడం గమనార్హం.