పానీపూరీ బండిపైకి దూసుకెళ్లిన స్కార్పియో.. బాలుడు సహా ఇద్దరు మృతి

ఝార్ఖండ్ ధన్​బాద్ జిల్లాలోని తూర్పు బసురియాలో స్కార్పియో వాహనం బీభత్సం సృష్టించింది. ఓ పాఠశాల సమీపంలో ఉన్న పానీపూరీ బండిపైకి దూసుకెళ్లింది. ఈ ఘటనలో ఓ చిన్నారి సహా ఇద్దరు ప్రాణాలు కోల్పోయారు. వాహనం ధాటికి పానీపూరీ బండి వద్ద ఉన్న ఓ యువకుడు ఎగిరిపడ్డాడు. సీసీటీవీలో ఈ దృశ్యాలు నమోదయ్యాయి. ఓ ట్రాలీ ఆటోను ఓవర్​టేక్ చేసే క్రమంలో స్కార్పియో వాహనం అదుపుతప్పినట్లు తెలుస్తోంది. ఈ ఘటనలో పదేళ్ల చోటు కుమార్ తీవ్రంగా గాయపడగా.. ఆస్పత్రికి తరలించారు. చికిత్స పొందుతూ చోటు మృతి చెందాడని స్థానికులు తెలిపారు. ప్రమాదం తర్వాత డ్రైవర్ ఘటనాస్థలి నుంచి పారిపోయాడు. అయితే, స్థానికులు వెంబడించి డ్రైవర్​ను పట్టుకున్నట్లు సమాచారం. పోలీసులు రంగంలోకి దిగి.. కారును స్వాధీనం చేసుకున్నారు.