అంబులెన్స్​లో తోడబుట్టిన గుర్రం- రోడ్డుపై 8కి.మీ పరుగెత్తిన మరో అశ్వం

మనుషుల మధ్యే కాదు జంతువుల మధ్య కూడా భావోద్వేగాలు ఉంటాయనడానికి ఈ దృశ్యాలే నిదర్శనం. తోడబుట్టిన గుర్రం అంబులెన్సులో వెళ్తుండటం చూసి.. మరో అశ్వం దాన్ని ఫాలో అయ్యింది. రోడ్డుపై 8కి.మీ ఆగకుండా పరుగెత్తింది. చివరకు అంబులెన్సు ఆస్పత్రిలో ఆగాక సోదరిని చూసి శాంతించింది. రాజస్థాన్ ఉదయ్​పుర్​లో అనారోగ్యానికి గురైన ఓ గుర్రాన్ని జంతు సంరక్షణ కేంద్రంలోని ఆస్పత్రికి తరలిస్తుండగా.. ఈ ఘటన జరిగింది. అశ్వాల మధ్య అనుబంధం చూపరులను కట్టిపడేసింది. ఇందుకు సంబంధించిన వీడియో సమాజిక మాధ్యమాల్లో వైరల్​ అయింది.