హెర్బల్​ చాయ్..​ ఆరోగ్యానికి ఎంతో హాయ్​!

ఎంతటి తలనొప్పైనా సరే చిటికెలో మాయం చేసే ఔషదం చాయ్​.. ఇంటికెవరైనా వస్తే వేడిగా పలకరించే సంప్రదాయం చాయ్​.. స్నేహితుల కబురులకు తోడు​​ చాయ్​.. సీతాకాలంలో చలిని కాచే వెచ్చదనం చాయ్.. లాక్​డౌన్​లో సాయంకాలం సేదదీర్చేది చాయ్​! ఇంతలా మన జీవితంలో భాగమైన చాయ్ ఆరోగ్యానికి హానికరమని చాలామంది చెబుతుంటారు. కానీ, డా. యాస్మిన్ మాత్రం హెర్బల్​​ టీ తాగితే అనారోగ్యమే దరి చేరదంటున్నారు. అదెలా అంటారా?

ప్రపంచమంతా ఆరోగ్యకరమైన జీవన శైలిని అలవరుచుకుంటున్న వేళ.. ఏళ్లుగా అలవాటైపోయిన చాయ్​ని వదిలి ఉండలేక, తాగి అనారోగ్యం తెచ్చుకోలేక సతమతవుతున్నారు చాయ్ ప్రియులు. అయితే ఎంతో ఇష్టంగా సేవించే టీని కూడా ఆరోగ్యకరంగా మలచుకోవచ్చని అంటున్నారు ప్రముఖ ఆయుర్వేద నిపుణులు డా. యాస్మిన్.​ అవును, చాయ్​కు కాసింత ప్రకృతిని కలిపితే.. మీరు మెచ్చే ఫ్లేవర్లలో హెర్బల్​ టీని ఆస్వాధించమంటున్నారు. ఈ హెర్బల్​ టీతో ఆరోగ్యం మీ సొంతం అవుతుందంటున్నారు.

హెర్బల్​ టీ అంటే..

ఆయుర్వేదం పుట్టిన భారతంలో ఎన్నో ఆరోగ్యవంతమైన పానీయాలను కనుగొన్నారు మన పూర్వీకులు. అందులో ఫాంటా ఒకటి. ఫాంటా​కు మరో పేరే చాయ్. వివిధ రకాల పూలు, వేర్లు, మొగ్గలు, బెరడు, ఆకులు, పళ్లు, గింజలు లేదా ఔషద గుణాలున్న మొక్కలకు చెందిన ఏ భాగంతోనైనా తయారయ్యే టీని హెర్బల్​ టీ అంటారు. హెర్బల్​ టీలో మంచి సువాసన, రుచి, రోగనిరోధక శక్తిని పెంపొందించే సుగుణాలు పుష్కలంగా ఉంటాయి.

హెర్బల్​ చాయ్..​ ఆరోగ్యానికి ఎంతో హాయ్​!

మరి ఆ హెర్బల్​ చాయ్​లు తయారు చేసుకోవడం ఎలా అనుకుంటున్నారా? మీ కోసం పలు రకాల హెర్బల్​ టీ రెసిపీలను ఈటీవీ భారత్​తో పంచుకున్నారు యాస్మిన్​. (ఈ కొలతలన్నీ 100 మి.లీ నీటికి సరిపడతాయి)

రోజ్​ టీతో ఆరోగ్యం

నీటిలో నాలుగైదు ఎండబెట్టిన రోజా రెబ్బలు తీసుకోండి. అందులో 2 గ్రాముల ధనియాలు, చిటికెడు కుంకుమ పువ్వు, అర గ్రాము సోంపు గింజలను వేసి ఐదు నిమిషాల పాటు మరిగించండి. అంతే, వడగట్టేసుకుని తాగడమే. ఈ రోజ్​ టీ మంచి రంగు, రుచిలో ఉంటుంది. జీర్ణక్రియను పెంచుతుంది.. ఎన్నో వ్యాధులకు ఔషధంగా పనిచేస్తుంది.

జీలకర్ర చాయ్​​..

ఒక గ్రాము జీలకర్ర, అర గ్రాము లికరిక్​, ఓ గాము అల్లం ముక్క, ఓ గ్రాము ధనియాలు, ఒక గ్రాము లవంగాలు, కొద్దిగా బెల్లం వేసుకున్న నీటిని కనీసం 5 నిమిషాలు మరిగించాలి. కావాలంటే అందులో కాసిన్ని పాలు పోసుకోవచ్చు. బాగా మరిగాక వడగట్టిన టీలో ఇలాచీ వేసుకుని సేవించండి.

ఎంతో రుచిగా ఉండే ఈ జీలకర్ర చాయ్​ ఆకలిని పెంచుతుంది, జీర్ణక్రియ సరిగ్గా జరిగేలా సహకరిస్తుంది. జ్ఞాపక శక్తి పెరుగుతుంది, మలబద్దకాన్ని తరిమికొడుతుంది.

లవంగం టీ​తో క్యాన్సర్​కు చెక్​..

2,3 లవంగాలను నీటిలో వేసుకుని 5 నిమిషాలు మరిగించి వడగట్టుకుని తాగేయండి. ఈ లవంగం చాయ్​ జీర్ణవ్యవస్థను సక్రమంగా నడిపిస్తుంది, క్యాన్సర్​ను దూరం చేస్తుంది, అంటు వ్యాధులను దరి చేరనివదు, శ్వాసకోశ సమస్యలు, ప్రేగు సిండ్రోమ్​ను అదుపు చేస్తుంది.

దాల్చిన చెక్కతో తేనీరు..​

ఓ గ్రాము దాల్చిన చెక్క, ఓ గ్రాము శొంఠి వేసిన నీటిని బాగా మరిగించి, వడగట్టి తాగాలి. అంతే, ఈ దాల్చిన చెక్క చాయ్​.. కఫంతో కూడిన దగ్గు, గొంతు నొప్పి, శ్వాసకోశ అలెర్జీలు, తలనొప్పికి చక్కని ఔషధంగా పని చేస్తుంది. ఇది కోవిడ్ 19ను సైతం నివారిస్తుంది.

ధనియా చాయ్​..

రెండు గ్రాముల ధనియాలు, 2 గ్రాముల జీలకర్ర, ఓ గ్రాము శొంఠిని 5 నుంచి 6 నిమిషాల పాటు బాగా మరిగించి వడపోసుకోవాలి. ఈ ధనియా టీ జీర్ణవ్యవస్థ, శ్వాసకోశ వ్యాధులను తప్పిస్తుంది.

శతమూలీ టీ..

ఇంగ్లీష్​లో అస్పరగస్​గా పిలిచే ఈ శతమూలీ(శతవరి) ఆకులను 5 గ్రాములు తీసుకోండి, అందులో నానబెట్టుకున్న 2 గ్రాముల ధనియాలు వేసి మరగబెట్టండి. ఈ శతమూలీ చాయ్​తో జ్వరం, ఒంటి నొప్పులు, వేడి.. ఆడవారిలో అధిక రక్త స్రావం ఇట్టే తగ్గిపోతాయి.

మునగ తేనీరు​..

అరకప్పు నీటిలో మునగాకు వేసి బాగా మరిగించాలి. ఆ తర్వాత వడగట్టిన మునగ టీలో ఓ టేబుల్​ స్పూన్​ తేనే లేదా చెక్కర వేసుకుని తాగాలి. ఇది, ఊబకాయాన్ని పోగొట్టి శక్తినిస్తుంది, అధిక మొత్తంలో విటమిన్లు, రక్తపోటును అదుపులో ఉంచుతుంది. ఈ మునగ టీలో కొలెస్ట్రాల్​ను కరిగించి, క్యాన్సర్​తోనూ పోరాడే గుణాలున్నాయి.

త్రిఫల టీ..

5 గ్రాముల త్రిఫల చూర్ణాన్ని 5 గంటల పాటు నానబెట్టాలి. ఆ తర్వాత వడగట్టి పక్కన పెట్టుకోవాలి. దాల్చిన చెక్కను మరిగించిన నీటిలో వడగట్టి పెట్టుకున్న త్రిఫల రసాన్ని పోసుకోవాలి. పోయి కట్టేసి ఓ టేబుల్​ స్పూన్​ తేనె వేసుకుని తాగండి.. ఇది రోగనిరోధక శక్తిని పెంచడంలో సహకరిస్తుంది, శ్వాస, గ్యాస్ట్రిక్ సమస్యలను తగ్గిస్తుంది. వైరల్ ఇన్ఫెక్షన్లను నివారించడం, శరీర బరువును తగ్గించడంలో కీలక పాత్ర పోషిస్తుంది. ఈ త్రిఫల చాయ్​లో యాంటీ ఫంగల్, యాంటీఆక్సిడెంట్లు అధికంగా ఉంటాయి. శరీరంలో వేడిని తగ్గిస్తుంది, క్యాన్సర్‌తో పోరాడుతుంది.

హెర్బల్​ చాయ్..​ ఆరోగ్యానికి ఎంతో హాయ్​!

"హెర్బల్ టీలు జీవక్రియను సమతుల్యం చేస్తాయి, రోగనిరోధక శక్తిని పెంచుతాయి, నిర్విషీకరణకు సహాయపడతాయి. విటమిన్లు, మినరళ్లు విరివిగా లభిస్తాయి. గొప్ప మూలం. వాటిలో యాంటీ ఏజింగ్ లక్షణాలు కూడా ఉన్నాయి. అయితే ఈ హెర్బల్ టీను మోతాదుకు మించి తీసుకుంటే.. తలనొప్పి, వికారం, మైకము, నోటిలో నొప్పి, గుండెల్లో మంట, వాంతులు, హార్మోన్ల అసమతుల్యత దుష్ప్రభావాలు కలిగే అవకాశం ఉంది. అలాంటి టీలు రోజుకు ఒక్కసారి మాత్రమే తీసుకోవాలి.''

-డాక్టర్ యాస్మిన్, ఆయుర్వేద నిపుణురాలు

ఇన్ని రోజులు మీ ఆరోగ్యానికి హాని కలిగించే డైట్ కోక్, తియ్యటి కాఫీలు తీసుకున్నారు. ఇకపై వాటి బదులు ఒక కప్పు హెర్బల్ టీ తాగి చూడండి. మీరు పొందే ఫలితాలను ఈటీవీ భారత్​తో పంచుకోండి.

ఇదీ చదవండి:మీరు మెచ్చే రుచులతోనే ఆరోగ్యం!