యాదాద్రి లక్ష్మీనరసింహ స్వామిని మంత్రి సత్యవతి రాఠోడ్ దర్శించుకున్నారు. సీఎం కేసీఆర్, మంత్రి కేటీఆర్, ఎంపీ సంతోశ్లు ఆరోగ్యంగా, క్షేమంగా ఉండాలని స్వామిని కోరుకున్నట్లు తెలిపారు. కరోనా బారి నుంచి త్వరగా బయటపడాలని వేడుకున్నట్లు చెప్పారు. స్వామి వారికి ప్రత్యేక పూజలు చేశారు.
నాగార్జునసాగర్ ఉపఎన్నికలో ప్రజలు కేసీఆర్ వెంటే ఉన్నారని మరోసారి రుజువైందని సత్యవతి అన్నారు. మున్సిపల్, కార్పొరేషన్ ఎన్నికల్లోనూ ప్రజలు తెరాసకే పట్టం కడతారని ధీమావ్యక్తం చేశారు. ప్రజలకు సేవ చేసేందుకు సీఎం కేసీఆర్కు మరింత శక్తి ఇవ్వాలని యాదాద్రీశుణ్ని కోరుకున్నట్లు మంత్రి తెలిపారు.
