యాదాద్రి గర్భగుడిలో ఆకట్టుకునే చిత్రాలు

యాదాద్రి గర్భగుడిలో తంజావూర్ చిత్రకారులు రూపొందించిన చిత్రం ఆకట్టుకుంటోంది. సుమారు 15 రోజులు కష్టపడి ఈ చిత్రాన్ని పంచ రంగులతో అందంగా తీర్చిదిద్దారు.

యాదాద్రి శ్రీ లక్ష్మీ నరసింహస్వామి దేవస్థానంలో జరుగుతున్న ప్రధానాలయం పునర్నిర్మాణంలో భాగంగా నూతన గర్భాలయంలో వేసిన చిత్రాలు ఆకట్టుకుంటున్నాయి. క్షేత్ర పాలకుడైన ఆంజనేయస్వామి, ఆలయం పక్కనున్న విశాలమైన స్థలంలో నరసింహ స్వామి, చెంచులక్ష్మిల చిత్రాలు ఆకట్టుకుంటున్నాయి.

ఈ చిత్రాన్ని పంచ రంగులతో ఎంతో అందంగా తీర్చిదిద్దారు. తంజావూరు నుంచి వచ్చిన చిత్రకారులు ఎంతో దీక్షతో చిత్రీకరించినట్లు ఆలయ అధికారులు తెలిపారు. ఈ చిత్రంలో నారదుడు, బ్రహ్మ సరస్వతి, శివపార్వతులు, ప్రహ్లాదుడు, కల్పవృక్షంపై నుంచి గరుత్మంతుడు, మహర్షులు పూల వర్షం కురిసినట్లు రూపొందించారు.

ఇవీ చూడండి: వరంగల్ మహా నగరాభివృద్ధిపై నేడు మంత్రి కేటీఆర్​ సమీక్ష