లాక్డౌన్ కాలంలో ఆటో కార్మికులు ఉపాధి కోల్పోయి తీవ్ర ఇబ్బంది పడుతున్నారని ఎంపీ కోమటిరెడ్డి వెంకటరెడ్డి పేర్కొన్నారు. భువనగిరి జిల్లాలోని తుర్కపల్లి, బొమ్మలరామారం మండలాల్లో ఆటో కార్మికులకు బీర్ల ఫౌండేషన్ అందించిన నిత్యావసర సరకులను ఎంపీ కోమటిరెడ్డి పంపిణీ చేశారు.
అకాల వర్షానికి తిర్మలాపూర్లో నష్టపోయిన పంట పొలాలను ఎంపీ కోమటిరెడ్డి వెంకటరెడ్డి పరిశీలించారు. ప్రభుత్వం స్పందించి అన్నదాతలను ఆదుకోవాలని డిమాండ్ చేశారు. నష్టపోయిన రైతులకు ఎకరానికి రూ.20 వేలు ఇవ్వాలని... ఆ పంటను ప్రభుత్వమే కొనుగోలు చేయాలని డిమాండ్ చేశారు. ధాాన్యం కొనుగోలు కేంద్రాలు ఏర్పాటు చేయాలని సూచించారు. కార్యక్రమంలో మండల కాంగ్రెస్ నాయకులు, కార్యకర్తలు పాల్గొన్నారు.
ఆటోకార్మికులకు నిత్యావసరాలు పంపిణీ చేసిన ఎంపీ కోమటిరెడ్డి
ఇదీ చూడండి: గ్రామాల్లోనే ధాన్యం కొనుగోలు కేంద్రాలు : మంత్రి నిరంజన్ రెడ్డి
