రేపు కోర్టుకు హాజీపూర్​ వరుస హత్యల నిందితుడు శ్రీనివాస్​రెడ్డి

యాదాద్రి భువనగిరి జిల్లా హాజీపూర్​ వరుస హత్యల కేసులో నిందితుడు శ్రీనివాస్​రెడ్డిని రేపు న్యాయస్థానంలో ప్రవేశపెట్టే అవకాశముంది. ఫోక్సో చట్టం కింద కేసులు నమోదు కావడం వల్ల... నిందితుడికి సాక్షుల వాంగ్మూలాలను చదివి వినిపించనున్నారు.

యాదాద్రి భువనగిరి జిల్లా బొమ్మలరామారం మండలం హాజీపూర్​లో చోటుచేసుకున్న వరుస హత్యల కేసులో నిందితుడు శ్రీనివాస్​ రెడ్డిని రేపు న్యాయస్థానంలో ప్రవేశపెట్టె అవకాశం ఉంది. నల్గొండలోని మొదటి అదనపు సెషన్స్ న్యాయస్థానంలోని ఫోక్సో చట్టం కోర్టులో నిందితుడికి.. సాక్షుల వాంగ్మూలాలను వినిపించే ప్రక్రియ కొనసాగనుంది. వాంగ్మూలాల వివరాల్ని నిందితునికి చదివి వినిపించిన అనంతరం... శ్రీనివాస్​ రెడ్డి అభిప్రాయాన్ని తీసుకుంటారు. ఆ తర్వాత ఇరు పక్షాల వాదనలు కొనసాగుతాయి. ఇందుకు మరో వారానికి పైగా సమయం పట్టే అవకాశమున్నట్లు తెలుస్తోంది. అనంతరమే తీర్పు వెలువడే అవకాశం కనిపిస్తోంది.

ఇవీ చూడండి: ఈనెల 26న నల్గొండ జిల్లా కోర్టుకు సైకో శ్రీనివాస్​రెడ్డి