యాదాద్రి ఆలయ నిర్మాణ నమూనాలను పరిశీలించిన చినజీయర్​ స్వామి

యాదాద్రి ఆలయంలో చేపడుతున్న పలు నిర్మాణాల నమూనాలను త్రిదండి చినజీయర్​ స్వామి పరిశీలించారు. ఈ మేరకు యాదాద్రి  ఈవో గీతారెడ్డి, ఆర్కిటెక్చర్​ ఆనందసాయి, స్థపతి వేలు శంషాబాద్​లోని ఆశ్రమంలో చినజీయర్​ స్వామిని కలిశారు. యాదాద్రి ఆలయ అభివృద్ధిలో భాగంగా చేపడుతున్న సాలహారాల విగ్రహ డిజైన్లు, శ్రీ కృష్ణుని రూపాలు, పుష్కరిణి తదితర నిర్మాణాల నమూనాలను త్రిదండి చినజీయర్​ స్వామి పరిశీలించారు.

యాదాద్రి భువనగిరి జిల్లాలో ప్రతిష్టాత్మకంగా చేపట్టిన యాదాద్రి పుణ్యక్షేత్ర పునర్నిర్మాణ పనులు వేగంగా సాగుతున్నాయి. ఆలయంలో చేపట్టిన పలు నిర్మాణాల నమూనాలను త్రిదండి చినజీయర్​ స్వామి పరిశీలించారు. ఈ మేరకు యాదాద్రి ఆలయ ఈవో గీతారెడ్డి, ఆర్కిటెక్చర్​ ఆనందసాయి, స్థపతి వేలు శంషాబాద్​లోని చినజీయర్​ స్వామి ఆలయంలో ఆయనను కలిశారు. సాలహారాల విగ్రహ డిజైన్ల్, బ్రాస్​ క్యూలైన్ల ఎంట్రీ, ఆలయంలో పూర్తయిన, కొనసాగతున్న నిర్మాణ పనులను ఈవో గీతారెడ్డి చినజీయర్​ స్వామికి వివరించారు. ఆలయంలో నిర్మించనున్న సాలహారాల్లో పొందు పరిచే కృష్ణశిలతో చేసిన శ్రీ కృష్ణుని ఆకృతులను, దర్శన క్యూలైన్లు, ప్రసాదాల విభాగం, పుష్కరిణి, క్షేత్ర సన్నిధిలో చేపడుతున్న పనులు, వాటి నమూనాలను చినజీయర్​ స్వామి పరిశీలించారు.

ఇదీ చదవండి: ఖాజిపల్లి అర్బన్​ ఫారెస్ట్​ను దత్తత తీసుకున్న ప్రభాస్