యాదాద్రి భువనగరి జిల్లాలో రోడ్డు ప్రమాదం చోటుచేసుకుంది. భువనగిరి పట్టణంలో అర్ధరాత్రి నిద్రమత్తులో ఓ కారు మిషన్ భగీరథ పైప్లైన్ని ఢీ కొట్టింది. ఘటన జరిగినప్పుడు కారులో నలుగురు ప్రయాణికులు ఉన్నారు. ఎవరికి ఎటువంటి గాయాలు కాకపోవడంతో అందరూ ఊపిరి పీల్చుకున్నారు. కానీ పైప్లైన్ పగిలిపోయింది.
దీంతో హైదరాబాద్ - వరంగల్ జాతీయ రహదారిపై నీరు ఫౌంటెన్లా విరజిమ్మింది. దాదాపు మూడు గంటల వరకు నీళ్లు వృథాగా పోయిందని స్థానికులు తెలిపారు. హైదరాబాద్ నుంచి జనగామ వెళ్లి వస్తుండంగా ఈ ప్రమాదం జరిగింది. వెంటనే అందులోని వారు కారును అక్కడే వదిలేసి మరో వాహనంలో వెళ్లిపోయారు. ఉవ్వెత్తున నీరు ఎగిసిపడటంతో రహదారి గుండా వెళ్లే వాహన దారులు ఇబ్బందులు పడ్డారు. సమాచారం అందుకున్న అధికారులు నీటి సరఫరాను నిలిపివేశారు. ఫలితంగా సుమారు 74 గ్రామాలకు నీటి సరఫరా నిలిచిపోయిదని అధికారులు తెలియచేశారు.
ఇదీ చదవండి: Harish Rao on Ap CM: 'కేంద్రానికి తలవంచిన ఏపీ సీఎం'
