భువనగిరి లోక్​సభ అభ్యర్థుల బలాబలాలు

భువనగిరి లోక్​సభ నియోజకవర్గ ప్రధాన పార్టీల అభ్యర్థుల మధ్య ఎన్నికల పోరు నువ్వా-నేనా అన్నట్లు సాగుతోంది. గత ఐదేళ్లలో తెరాస చేసిన అభివృద్ధి తనను గెలిపిస్తుందనే ధీమాతో బూర నర్సయ్య గౌడ్​ ఉన్నారు. సంస్థాగతంగా కార్యకర్తలు బలంగా ఉండటం కోమటిరెడ్డి వెంకట్​రెడ్డికి ఉన్న సానకూలాంశం.

భువనగిరి పార్లమెంట్​ నియోజకవర్గంలో తెరాస నుంచి బూర నర్సయ్య గౌడ్​, కాంగ్రెస్​ నుంచి కోమటిరెడ్డి వెంకట్​రెడ్డి, భాజపా నుంచి శ్యాంసుందర్​ ఎన్నికల బరిలో ఉన్నారు. వీరి ముగ్గురి మధ్య పోరు హోరా హోరీగా సాగుతోంది. బూర నర్సయ్యకు బీసీ సామాజిక వర్గం అండగా ఉండగా.. కోమటిరెడ్డికి గతంలో సోదరుడు రాజ్​గోపాల్​రెడ్డి చేసిన అభివృద్ధి పనులు సానుకూలంగా ఉన్నాయి. మూసీ నది ప్రక్షాళన కోసం చేసిన పాదయాత్రే తనను గెలిపిస్తుందనే ధీమాతో ఉన్నారు భాజపా అభ్యర్థి శ్యాంసుందర్.

ఇవీ చూడండి : 'కళంక్'లోని పాటకు మాధురి అదిరే స్టెప్పులు