సంక్రాంతి పర్వదినం సందర్భంగా ఈ నెల 15న వరంగల్ అర్బన్ జిల్లా హన్మకొండలోని ఆర్ట్స్ అండ్ సైన్స్ కళాశాల మైదానంలో నిర్వహించే కైట్ ఫెస్టివల్కు పటిష్ఠ ఏర్పాట్లు చేయాలని నగరపాలక సంస్థ కమిషనర్ పమేలా సత్పతి.. అధికారులను ఆదేశించారు. ఈ మేరకు కైట్ ఫెస్టివల్ ఏర్పాట్లపై కార్యాలయంలో.. అధికారులతో సమీక్షించారు. స్వచ్ఛ సర్వేక్షన్- 2021 బ్యానర్లు, ప్రాంగణంలో ఫుడ్ స్టాల్స్ ఏర్పాటు చేయడంతో పాటు మైదానం పరిశుభ్రంగా ఉంచాలని సీ‌ఎం‌హెచ్‌ఓను ఆదేశించారు. సభ వేదిక, వీ‌ఐపీ గ్యాలరీలు తదితర వాటిని స్మార్ట్ సిటీ అధికారులతో కలిసి ఏర్పాటు చేయాలని సూచించారు.
విజయవంతం చేయాలి
15న ఉదయం 9 నుంచి 10 గంటల వరకు స్లో, ఫాస్ట్ సైక్లింగ్, అనంతరం మధ్యాహ్నం 2 వరకు కైట్ ఫెస్టివల్, 4 వరకు ముగ్గుల పోటీలు నిర్వహించనున్నారు. ప్రజలు, అధికారులు, యువతీయువకులు అధిక సంఖ్యలో పాల్గొని కార్యక్రమాన్ని విజయవంతం చేయాలని కమిషనర్ కోరారు.
ఇదీ చదవండి: కొండెక్కిన సంక్రాంతి సరకులు.. 50%పైగా పెరిగిన ఖర్చు
