తెరాస అధ్యక్షుడు ముఖ్యమంత్రి కేసీఆర్ ఆదేశాల మేరకు వరంగల్-ఖమ్మం-నల్గొండ పట్టభద్ర ఎమ్మెల్సీ స్థానానికి శాసనసభ నియోజకవర్గాల వారిగా ఇన్ఛార్జులను పార్టీ కార్యనిర్వాహక అధ్యక్షుడు, మంత్రి కేటీఆర్ నియమించారుయ. పార్టీ కార్యనిర్వాహక అధ్యక్షుడు కేటీఆర్ నియమించిన నియోజకవర్గ బాధ్యుల పేర్లను మంత్రి ఎర్రబెల్లి దయాకరరావు వెల్లడించారు. నియోజకవర్గ ఇన్ఛార్జులు ఆయా ప్రాంతాల్లోని ఎమ్మెల్యేలు, ఇతర నాయకులను సమన్వయం చేసుకుంటూ ఎన్నికల్లో తెరాస అభ్యర్ధుల భారీ మెజార్టీకి కృషి చేస్తారని ఎర్రబెల్లి దయాకరరావు పేర్కొన్నారు.
నియోజకవర్గాల వారీగా బాధ్యులు
- ప్రణాళికా సంఘం ఉపాధ్యక్షులు బోయినపల్లి వినోద్ కుమార్, మాజీ ఉపముఖ్యమంత్రి కడియం శ్రీహరి- వరంగల్ పశ్చిమ, తూర్పు నియోజకవర్గాలు, ఉమ్మడి జిల్లా ఉద్యోగులు, విశ్రాంత ఉద్యోగులు, విద్యాసంస్ధలు, ఉద్యోగ సంఘాలు
- పోచంపల్లి శ్రీనివాసరెడ్డి, ఎమ్మెల్సీ- జనగామ, పాలకుర్తి నియోజకవర్గాలు
- పల్లా రాజేశ్వరరెడ్డి, ఎమ్మెల్సీ- స్టేషన్ ఘన్ పూర్
- బోడకుంటి వెంకటేశ్వర్లు, మండలి చీఫ్ విప్- పరకాల, వర్ధన్నపేట
- ఎంపీ పసునూరి దయాకర్, వికలాంగుల సంస్థ ఛైర్మన్ వాసుదేవరెడ్డి- భూపాలపల్లి
- ఎంపీ మాలోత్ కవిత, రైతు విమోచన సంస్ధ ఛైర్మన్ నాగూర్ల వెంకన్న- నర్సంపేట, ములుగు నియోజకవర్గాలు
- మాజీ మంత్రి బస్వరాజు సారయ్య, డీసీసీబీ ఛైర్మన్ మార్నేని రవీందర్, రాష్ట్ర కార్యదర్శి మెట్టు శ్రీనివాస్- మహబూబాబాద్, డోర్నకల్ నియోజకవర్గాలు
ఇవీ చూడండి: ఎమ్మెల్సీ ఉపఎన్నిక బరిలో కవిత... ఎన్నిక లాంఛనమే!
