ఈటీవీ భారత్ కథనానికి స్పందన.. రోడ్డుకు మోక్షం

హన్మకొండ కొత్త బస్టాండ్ కూడలి రోడ్డుకు ఎట్టకేలకు మోక్షం లభించింది. నగర పాలకసంస్థ ఆధ్వర్యంలో రూ.2కోట్ల నిధులతో కూడలికి నాలుగు వైపులా మురుగు, వరద నీరు పారేలా కల్వర్టులు నిర్మించి రోడ్లను వేశారు.

హన్మకొండ కొత్తబస్టాండ్​ కూడలి వద్ద పలు అభివృద్ధి పనులు చేపట్టారు. కొన్నేళ్లుగా బస్టాండ్ రోడ్డు మొత్తం గుంతలమయంగా మారింది. ఫలితంగా ప్రయాణికులు తీవ్ర ఇబ్బంది పడ్డారు. రోడ్డు సమస్యలపై పలుమార్లు ఈటీవీ, ఈటీవీ భారత్​లో కథనాలు వచ్చాయి.

ప్రజల ఇబ్బందులు గమనించిన అధికారులు వరదనీరు దిగిపోయేలా కల్వర్టులు నిర్మించి, రోడ్డు మరమ్మతు పనులు చేశారు. రోడ్లు బాగుపడడం వల్ల స్థానికులు సంతోషం వ్యక్తం చేస్తున్నారు.

ఇదీ చూడండి: భాగ్యనగరంలో వర్షం... ట్రాఫిక్​కు అంతరాయం