పురపాలక శాఖ మంత్రి కేటీఆర్ ఆదేశాలతో వరంగల్ పశ్చిమ శాసనసభ్యుడు దాస్యం వినయ్ భాస్కర్ పంజాబ్ నుంచి వస్తోన్న విద్యార్థులకు వరంగల్ రైల్వే ప్రాంగణంలో ఆహార పొట్లాలు, బిస్కెట్ ప్యాకెట్లు అందజేశారు.
పంజాబ్లోని లవ్లీ ప్రొఫెషనల్ యూనివర్సిటీలో చదువుతున్న 1,100 మంది విద్యార్థులు ప్రత్యేక రైల్లో వరంగల్కు వస్తున్నారు. భోజన వసతి లేక తాము ఆకలితో అలమటిస్తున్నామని విద్యార్థులు మంత్రి కేటీఆర్కు ట్విటర్ వేదికగా తెలిపారు.
స్పందించిన మంత్రి కేటీఆర్.. విద్యార్థులకు భోజన వసతి కల్పించాలని వరంగల్ ఎమ్మెల్యే వినయ్ భాస్కర్ను ఆదేశించారు. మంత్రి ఆదేశాల మేరకు ఎమ్మెల్యే హుటాహుటిన భోజనం తయారు చేపించి, 1100 మంది విద్యార్థులకు భోజన ప్యాకెట్లు అందజేశారు. సమయానికి విద్యార్థుల ఆకలి తీర్చిన వినయ్ భాస్కర్కు మంత్రి కేటీఆర్ కృతజ్ఞతలు తెలిపారు.
