బ్రాహ్మణ భవన భూమిపూజను ప్రారంభించిన ఎమ్మెల్యే చల్లా

పరకాల ఎమ్మెల్యే చల్లా ధర్మారెడ్డి.. వరంగల్​ గ్రామీణ జిల్లాలో బ్రాహ్మణ భవన భూమిపూజను ప్రారంభించారు. భవన నిర్మాణానికి తనవంతు సాయం అందిస్తానని ఎమ్మెల్యే అన్నారు.

వరంగల్​ గ్రామీణ జిల్లా కీర్తినగర్​లో నిర్మితమవుతున్న బ్రాహ్మణ భవన భూమిపూజ కార్యక్రమంలో ఎమ్మెల్యే చల్లా ధర్మారెడ్డి పాల్గొన్నారు. బ్రాహ్మణుల సంక్షేమానికి ప్రభుత్వం కట్టుబడి ఉందని.. అందులో భాగంగా వారి అభివృద్ధి కోసం ఏడాదికి రూ.100 కోట్లు కేటాయిస్తున్నట్లు ఆయన తెలిపారు.

బ్రాహ్మణ సంక్షేమ పరిషత్​ ఛైర్మన్​ రమణాచారి కృషితో హైదరాబాద్​లో త్వరలోనే బ్రాహ్మణ సదన్​ను ప్రారంభిస్తామని చల్లా చెప్పారు. భవన నిర్మాణానికి తనవంతు సాయం అందిస్తానని ఎమ్మెల్యే అన్నారు. అర్చక సమైక్య ఆధ్వర్యంలో ఎమ్మెల్యేను సన్మానించి, ఆశీర్వచనాలు అందజేశారు.

ఇదీ చూడండి: ఎలక్ట్రిక్ వాహనాల హబ్‌గా మార్చాలనే లక్ష్యంతో నూతన విధానం