కరోనా నుంచి విముక్తి కలగాలని చండీహోమం చేసిన ఎమ్మెల్యే

కరోనా నుంచి ప్రజానికానికి విముక్తి కలగాలని ప్రజలందరూ సుఖశాంతులతో వర్ధిల్లాలని కోరుతూ వరంగల్​ గ్రామీణ జిల్లా వర్ధన్నపేట ఎమ్మెల్యే ఆరూరి రమేశ్​ చండీ హోమం నిర్వహించారు. అన్​లాక్​ సమయంలో ప్రజలు మరింత అప్రమత్తంగా ఉండాలని విజ్ఞప్తి చేశారు.

వరంగల్ గ్రామీణ జిల్లా వర్ధన్నపేట నియోజకవర్గ ప్రజలు సుఖశాంతులతో ఉండాలని... కరోనా మహమ్మారి నుంచి ప్రజలందరికీ ఉపశమనం కలగాలని కోరుతూ ఎమ్మెల్యే ఆరూరి రమేశ్​ చండీ హోమం నిర్వహించారు. కొవిడ్​ కారణంగా ప్రజానికం తీవ్ర ఇబ్బందులు ఎదుర్కొంటున్నారని.. అందరికీ మంచి జరగాలనే ఉద్దేశంతో కుటుంబసభ్యులతో కలసి యాగం నిర్వహించినట్లు తెలిపారు.

అన్​లాక్ నేపథ్యంలో ప్రజలు అజాగ్రత్తగా ఉండరాదని విజ్ఞప్తి చేశారు. ప్రతి నిత్యం అప్రమత్తంగా ఉండాలని, మాస్కు, శానిటైజర్​ను తప్పక వాడాలని కోరారు.

ఇదీ చదవండి: ధర్మపురి ఆలయ ధర్మకర్తల మండలికి దేవాదాయశాఖ నోటిఫికేషన్​