ఘనంగా కొత్తకొండ వీరభద్రస్వామి బ్రహ్మోత్సవాలు

శ్రీ కొత్తకొండ వీరభద్ర స్వామి బ్రహ్మోత్సవాలు ఘనంగా జరుగుతున్నాయి. భక్తులు అధిక సంఖ్యలో పాల్గొని మొక్కులు చెల్లించుకుంటున్నారు.

వరంగల్ అర్బన్ జిల్లా భీమదేవరపల్లి మండలం శ్రీ కొత్తకొండ వీరభద్రస్వామి బ్రహ్మోత్సవాలు ఘనంగా జరుగుతున్నాయి. సూర్యుడు మకరంలో ప్రవేశించిన రోజు వీరభద్ర స్వామిని దర్శించుకుంటే మంచి జరుగుతుందని ఇక్కడికి వచ్చే భక్తులు నమ్ముతారు.

ఈ నేపథ్యంలో కొత్తకొండ వీరభద్రస్వామిని దర్శించుకోవడానికి వేలాదిమంది భక్తులు తండోపతండాలుగా తరలివచ్చారు. భక్తుల రాకతో ఆలయ పరిసరాలన్నీ కిటకిటలాడాయి. వీరభద్ర స్వామికి ప్రీతి పాత్రమైన గుమ్మడి కాయలను మొక్కులుగా సమర్పించారు. స్వామి వారిని దర్శించుకున్న ఎమ్మెల్యే తాటికొండ రాజయ్య వీరశైవులతో కలిసి నృత్యాలు చేశారు. జర్మనీ దేశస్థులు ఆలయాన్ని సందర్శించారు. దాత సురేందర్ రెడ్డి వారికి ప్రసాదాన్ని అందజేశారు.

ఇవీ చూడండి : పలు చోట్ల ప్రచారాలు.. మరికొన్ని చోట్ల ఆందోళనలు