వరంగల్ మహానగర పాలక సంస్థ కమిషనర్ పమేలా సత్పతి విధి నిర్వహణలో తన మానవత్వాన్ని చాటుకున్నారు. వరంగల్ పట్టణంలోని నాలాలపై నిర్మించిన అక్రమ నిర్మాణాల తొలగింపు చర్యలను పరిశీలించడానికి వెళ్తున్న క్రమంలో హన్మకొండలోని తిరుమల బార్ జంక్షన్ వద్ద ఓ మహిళ ద్విచక్ర వాహనం అదుపు తప్పి కింద పడింది. ఆ సమయంలో అక్కడే ఉన్న కమిషనర్ వెంటనే కారు ఆపి.. స్వయంగా తన కారులో ఆ మహిళను ప్రైవేట్ ఆస్పత్రికి తీసుకెళ్లారు. బాధితురాలి కుటుంబీకులకు సమాచారం అందించి ఆమెకు చికిత్స చేయించి వెళ్లారు. విధి నిర్వహణలో ఉండగా.. రోడ్డు మీద జరిగిన ప్రమాదం పట్ల స్పందించి మానవత్వాన్ని ప్రదర్శించిన కమిషనర్ను అందరూ ప్రశంసిస్తున్నారు.
ఇదీ చూడండి: గణేషుడికీ ఓ పార్కు, మ్యూజియం ఉన్నాయి.. అవి ఎక్కడో తెలుసా!
