వరంగల్ అర్బన్ జిల్లా కాజీపేట మండలం మడికొండలో జరిగిన భాజపా మాజీ ఎమ్మెల్యే మార్తినేని ధర్మారావు కుమార్తె వివాహానికి హిమాచల్ ప్రదేశ్ గవర్నర్ బండారు దత్తాత్రేయ హాజరయ్యారు. ఈ సందర్భంగా నూతన దంపతులను ఆయన ఆశీర్వాదించారు. గవర్నరుగా బాధ్యతలు చేపట్టిన తర్వాత దత్తాత్రేయ తొలిసారి నగరానికి రావటం వల్ల భాజపా శ్రేణులు ఆయనకు ఘన స్వాగతం పలికారు. ఆయనతో ఫొటోలు దిగేందుకు భాజపా కార్యకర్తలు ఆసక్తి కనబరిచారు.
ఈ వివాహానికి ప్రభుత్వ చీఫ్ విప్ వినయ్ భాస్కర్తో పాటుగా జిల్లా నలుమూలల నుండి వివిధ పార్టీలకు చెందిన రాజకీయ నాయకులు హాజరై నూతన వధూవరులను ఆశీర్వదించారు.
మాజీ ఎమ్మెల్యే కుమార్తె వివాహానికి దత్తన్న హాజరు
ఇవీచూడండి: ఎక్కడైనా ఫిర్యాదు చేయొచ్చు.. జీరో ఎఫ్ఐఆర్ ఉందిగా..!
