ఘనంగా జిల్లా కోర్టు బార్​ అసోసియేషన్​ వార్షికోత్సవం

హన్మకొండలోని జిల్లా కోర్టు ఆవరణలో బార్​ అసోసియేషన్​ వార్షికోత్సవం ఘనంగా జరిగింది. ఈ వేడుకలకు ముఖ్య అతిథులుగా  హైకోర్టు న్యాయమూర్తులు హాజరయ్యారు. ఈ కార్యక్రమంలో ప్రముఖ రచయిత జొన్నవిత్తుల కామెడీ పేరడీ పాటలు ఆహూతులను అలరించాయి.

వరంగల్ జిల్లా కోర్టు బార్ అసోసియేషన్ వార్షికోత్సవం కన్నులపండువగా జరిగింది. హన్మకొండలోని జిల్లా కోర్టు ఆవరణలో అర్ధరాత్రి వరకు జరిగిన వేడుకల్లో ముఖ్య అతిథులుగా హైకోర్టు న్యాయమూర్తులు జస్టిస్ సంజయ్ కుమార్, కేశవరావు హాజరయ్యారు. న్యాయస్థానాల ప్రతిష్ఠను కాపాడాలని జస్టిస్ సంజయ్ కుమార్ న్యాయవాదులకు సూచించారు. న్యాయమూర్తులు, న్యాయవాదులకు మధ్య సమన్వయం ఉన్నప్పుడే న్యాయ ప్రతిష్ఠతో పాటు కేసుల పరిష్కారం సులభతరమవుతుందన్నారు. ఈ కార్యక్రమంలో జిల్లా ప్రధాన న్యాయమూర్తి తిరుమలదేవితో పాటు న్యాయవాదులు, సినీ గేయ రచయిత జొన్నవిత్తుల రామలింగేశ్వరావు పాల్గొన్నారు. ఈ కార్యక్రమంలో జొన్నవిత్తుల కామెడీ పేరడీ పాటలు పాడుతూ అందరిని హుషారెత్తించారు.

ఇవీ చూడండి: బ్యాలెట్​ పత్రంపై వేలిముద్ర పడితే ఓటు చెల్లనట్టే