How To Increase Internet Speed : ప్రస్తుతం దేశంలో 5జీ సర్వీసులు బాగా అందుబాటులోకి వచ్చాయి. దీనితో అందరూ 5జీ స్పీడ్తో ఇంటర్నెట్ వాడుతున్నారు. ఇలా వేగవంతమైన ఇంటర్నెట్ సేవలకు అలవాటుపడిన వాళ్లు నెట్ స్లో అయితే తట్టుకోలేరు. మరి మీకు కూడా ఇలాంటి సమస్యే ఎదురవుతోందా? డోంట్ వర్రీ. చాలా సింపుల్గా మీ నెట్ స్పీడ్ను పెంచుకునే టాప్-9 టిప్స్ గురించి ఇప్పుడు తెలుసుకుందాం.
- రీస్టార్ట్ ఫోన్ : కొన్నిసార్లు అనుకోకుండా ఇంటర్నెట్ స్పీడ్ తగ్గిపోతూ ఉంటుంది. అలాంటప్పుడు సింపుల్గా మీ ఫోన్ను రీస్టార్ట్ చేయండి. దీని వల్ల ఫోన్లోని చాలా ప్రోబ్లమ్స్ ఫిక్స్ అయిపోతాయి. పైగా ఇంటర్నెట్ స్పీడ్ కూడా పెరుగుతుంది.
- క్లోజ్ బ్యాక్గ్రౌండ్ యాప్స్ : మన ఫోన్లో చాలా యాప్స్ బ్యాక్గ్రౌండ్లో రన్ అవుతూ ఉంటాయి. అవి మీ ఇంటర్నెట్ వాడుకుంటూ, దాని స్పీడ్ను తగ్గిస్తాయి. కనుక అవసరం లేని యాప్స్ను క్లోజ్ చేయడమే మంచిది.
- క్లియర్ కాషే : మనం ఏదైనా వెబ్సైట్, యాప్స్ ఓపెన్ చేసేటప్పుడు చాలా డేటాను చూస్తాం. కానీ మనకు తెలియకుండానే ఫోన్లో చాలా కాషే (Cache) స్టోర్ అయిపోతూ ఉంటుంది. వాస్తవానికి దీనివల్ల లోడింగ్ టైమ్ స్పీడ్ పెరుగుతుంది. కానీ ఇంటర్నెట్ స్పీడ్ తగ్గిపోతుంది. అందువల్ల మీ ఫోన్లోని కుకీస్ను, కాషేను ఎప్పటికప్పుడు క్లియర్ చేసుకోవడమే బెటర్.
- ఫ్లైట్ మోడ్ : ఇంటర్నెట్ స్పీడ్ బాగా తగ్గిపోయినప్పుడు సింపుల్గా మీ మొబైల్లో ఫ్లైట్ మోడ్ను ఆన్ చేసి, తరువాత దానిని ఆఫ్ చేయాలి. దీని వల్ల మీ ఇంటర్నెట్ కనెక్షన్ రీసెట్ అవుతుంది. ఇంటర్నెట్ స్పీడ్ ఆటోమేటిక్గా పెరుగుతుంది.
- డేటా ఆఫ్ : నెట్ స్పీడ్ బాగా తక్కువగా ఉంటే, సింపుల్గా మీరు మీ మొబైల్ డేటాను ఆఫ్ చేసి కొద్ది సేపు అలానే ఉంచండి. తరువాత మళ్లీ డేటా ఆన్ చేసి చూడండి. అప్పుడు ఇంటర్నెట్ స్పీడ్ పెరిగే ఛాన్స్ ఉంది.
- ఫోన్ అప్డేట్ : కొందరు మొబైల్ ఫోన్ను ఎప్పటికప్పుడు అప్డేట్ చేయకుండా అలానే వాడేస్తుంటారు. దీని వల్ల కూడా ఇంటర్నెట్ స్లో అయ్యే ఛాన్స్ ఉంటుంది. కనుక మీ మొబైల్ డివైజ్ను ఎప్పటికప్పుడు అప్డేట్ చేస్తూ ఉండాలి.
- డీఎన్ఎస్ సర్వర్ : DNS సర్వర్ మార్చుకోవడం ద్వారా నెట్ స్పీడ్ పెంచుకోవచ్చు.
- డేటా సేవింగ్ మోడ్ : లేటెస్ట్ ఫోన్స్ అన్నింటిలో డేటా సేవింగ్ మోడ్ అనే ఆప్షన్ ఉంటోంది. దానిని ఎనేబుల్ చేసుకుంటే ఇంటర్నెట్ వేగం పెరిగే ఛాన్స్ ఉంటుంది.
- స్టాప్ ఆటో అప్డేట్ : మీ ఫోన్లో ఆటో అప్డేట్ ఫీచర్ ఆన్ చేసి ఉంచితే, అది బాగా ఇంటర్నెట్ను వాడుకుంటుంది. దీని వల్ల యాప్లు ఎప్పటికప్పుడు అప్డేట్ అవుతూ ఉంటాయి. కానీ ఇంటర్నెట్ వేగం మాత్రం తగ్గిపోతుంది. అందుకే మీ ఫోన్లోని ఆటో-అప్డేట్ ఆప్షన్ను డిజేబుల్ చేయండి. దీని వల్ల నెట్ స్పీడ్ పెరుగుతుంది.
