వారం రోజులుగా కురుస్తున్న వర్షాలతో వరంగల్ అర్బన్ జిల్లాలోని రిజర్వాయర్లు, చెరువులు నిండుకుండలా మారి కళకళలాడుతున్నాయి. ప్రాజెక్టుల వద్ద సమృద్ధిగా నీటిలభ్యత ఉండడం వల్ల పైపులైన్ల ద్వారా రిజర్వాయర్లలోకి నీరు విడుదల చేస్తున్నారు. దేవాదుల ప్రాజెక్టులోని తుపాకులగూడెం బ్యారేజి నుంచి రెండు పంపుల ద్వారా ధర్మసాగర్ రిజర్వాయర్లోకి నీటిని విడుదల చేస్తున్నారు. పైప్లైన్ల ద్వారా పైకి ఎగిసిపడుతున్న నీటిని పర్యటకులు ఆసక్తిగా వచ్చి తిలకిస్తున్నారు. స్వచ్ఛమైన ప్రకృతి అందాలు, పచ్చదనంతో మైమరిపించే కొండల నడుమ ఉన్న ధర్మసాగర్ రిజర్వాయర్ నీటి రాకతో కొత్త అందాలను సంతరించుకుంది. ఘన్పూర్ నియోజకవర్గంలోని రైతుల సాగునీటి అవసరాలకు ధర్మసాగర్ నీరు ప్రధాన ఆధారం కావడం వల్ల అన్నదాతల్లో ఆనందం వెల్లివిరిసింది.
ఇవీ చూడండి: నదులు గలగల... జలాశయాలకు జలకళ
