వరంగల్ అర్బన్ జిల్లా కాజీపేట ఫాతిమా వంతెనపై జనగామ జిల్లా కాంగ్రెస్ అధ్యక్షుడు జంగా రాఘవరెడ్డి ఆధ్వర్యంలో పార్టీ శ్రేణులు ఆందోళనకు దిగారు. మంత్రి కేటీఆర్ వరంగల్ పర్యటనను విమర్శిస్తూ కేటీఆర్ గోబ్యాక్ అంటూ నినాదాలు చేశారు. నగరంలో ఎక్కడి సమస్యలు అక్కడే పెట్టి పర్యటనకు వస్తే అడ్డుకుని తీరుతామని ఆయన హెచ్చరించారు.
కాజీపేట రైల్వే ట్రాక్పైనున్న వంతెనకు సమాంతరంగా మరో వంతెన నిర్మాణానికి నిధులు మంజూరైనా పనులు ప్రారంభించట్లేదని రాఘవరెడ్డి ఆరోపించారు. రైతులకు రూ. రెండు లక్షలు రుణమాఫీ చేస్తానని కేసీఆర్ ఇచ్చిన హామీ ఎందుకు నెరవేర్చలేదని ఆయన ప్రశ్నించారు. తెరాస ఓ కుటుంబ పార్టీ అని ఆయన విమర్శించారు.
ఇదీ చూడండి : ఆరోగ్యమంత్రికి కరోనా లక్షణాలు.. ఆసుపత్రిలో చేరిక
