పల్లెప్రగతిలో చేపట్టిన వైకుంఠ దామాలు, డంపింగ్ యార్డుల నిర్మాణాలను ఈనెల చివరి వరకు పూర్తి చేయాలని వరంగల్ అర్బన్ జిల్లా కలెక్టర్ రాజీవ్ గాంధీ హన్మంతు అధికారులను ఆదేశించారు. హన్మకొండలోని కలెక్టర్ సమావేశ మందిరంలో ఎంపీడీవోలు, ఏపీవోలతో ప్రత్యేక సమావేశం నిర్వహించారు. ఈ సందర్భంగా పల్లెప్రగతిలో చేపట్టిన వివిధ పనుల పురోగతిపై సమీక్షించారు.
పల్లె పకృతి వనాలు, వైకుంఠ దామాలు, డంపింగ్ యార్డుల నిర్మాణాలను త్వరితగతిన పూర్తి చేయాలని అధికారులను ఆదేశించారు. హసన్పర్తి మండలంలో 3, కమలాపూర్లో ఒక డంపింగ్ యార్డు పనులు ఇంకా మొదలు కాలేదని.. వెంటనే ఆ పనులను ప్రారంభించాలని సంబంధిత అధికారులను ఆదేశించారు. ప్రతి నర్సరీకి ప్రహరీ, బోర్డు తప్పరిసరిగా ఉండాలని సూచించారు. ఈ సందర్భంగా గ్రామాల్లో ఇంటి పన్నులు 100 శాతం వసూలు చేయాలని, అన్ని మండలాల్లో ఇంటి పన్నుల వసూళ్లను వారం రోజుల్లో పూర్తి చేయాలని సూచించారు.
ఇదీచూడండి.. కలెక్టర్పై సోషల్ మీడియాలో అసత్య ప్రచారం
