'ప్రజాకూటమి వల్లే అసెంబ్లీ ఎన్నికల్లో కేసీఆర్ గెలిచారు'

దేశ ప్రజలు ప్రధాని మోదీకి బ్రహ్మ రథం పడుతున్నారని వరంగల్ భాజపా అభ్యర్థి చింతా సాంబమూర్తి అన్నారు. ప్రజాకూటమి వల్లే శాసనసభ ఎన్నికల్లో తెరాస విజయం సాధించిందని పేర్కొన్నారు. ప్రచారంలో అనూహ్య స్పందన కనిపిస్తోందంటూ గెలుపుపై ధీమా వ్యక్తం చేస్తున్నారు.

భారత్​ను అత్యంత శక్తిమంతమైన దేశంగా చేసిన ఘనత ప్రధాని మోదీకే దక్కుతుందని వరంగల్ లోక్​సభ భాజపా అభ్యర్థి చింతా సాంబమూర్తి అన్నారు. దేశ సంపదను కొల్లగొట్టిన కాంగ్రెస్ నేతలకు మోదీని విమర్శించే నైతిక హక్కు లేదన్నారు. సెంటిమెంట్ ద్వారాఅసెంబ్లీ ఎన్నికల్లో కేసీఆర్ మళ్లీ అధికారం చేపట్టారని పేర్కొన్నారు. రాష్ట్రంలో భాజాపాకు తెరాసకు మధ్యనే పోటీ ఉందని... వలసలతో కాంగ్రెస్ నీరసించిపోయిందని తెలిపారు. దేశ వ్యాప్తంగా భాజపా 350 స్థానాల్లో గెలుస్తుందని అన్నారు. ప్రచారంలో అనూహ్య స్పందన వస్తోందని వరంగల్ ఖిల్లా మీద కాషాయ జెండా ఎగురవేస్తామని ధీమా వ్యక్తం చేశారు.

ఇవి చూడండి:బంగాల్​లో ఎన్​ఆర్సీపై రాజకీయ రగడ