పార్టీకి సేవలందించిన వారిని కాపాడుకుంటాం: ఆరూరి రమేశ్​

వరంగల్​ జిల్లా ఇల్లందలో ఇటీవల మరణించిన తెరాస నాయకులు ఉట్ల శ్యామ్​ సుందర్​రెడ్డి కుటుంబాన్ని ఎమ్మెల్యే ఆరూరి రమేశ్​ పరామర్శించారు. అన్ని విధాలా ఆదుకుంటామని హామీ ఇచ్చారు.

వరంగల్​ గ్రామీణ జిల్లా వర్ధన్నపేట మండలం ఇల్లంద గ్రామానికి చెందిన తెరాస నాయకులు ఉట్ల శ్యామ్ సుందర్​రెడ్డి ఇటీవల మరణించారు. ఈ క్రమంలో స్థానిక ఎమ్మెల్యే ఆరూరి రమేశ్ ఆయన దశదిన కర్మకు హాజరయ్యారు. చిత్రపటానికి పూలమాల వేసి నివాళులు అర్పించారు. కుటుంబ సభ్యులను పరామర్శించారు.

పార్టీకి సేవలందించిన ప్రతి ఒక్కరినీ కాపాడుకుంటామని ఎమ్మెల్యే పేర్కొన్నారు. సుందర్​రెడ్డి కుటుంబాన్ని అన్ని విధాలా ఆదుకుంటామని హామీ ఇచ్చారు.

ఇదీ చూడండి: పెట్టుబడుల ఆకర్షణపై దృష్టి సారించండి : మోదీ