తాగొచ్చి గొడవచేస్తున్నాడని కన్నవాళ్లే కడతేర్చారు

వరంగల్​ రూరల్ జిల్లా ముత్యాలపల్లిలో విషాద ఘటన జరిగింది. రోజూ తాగొచ్చి ఇంట్లో గొడవచేస్తున్నాడని విసిగిపోయిన తల్లిదండ్రులు కన్న కొడుకుని... కిరోసిన్​ పోసి కాల్చి చంపేశారు.

కన్నతల్లిని అతి కిరాతంగా హతమార్చిన కూతురి ఘటన మరవకముందే... పేగు పంచుకొని పుట్టిన కన్న కొడుకుని తల్లిదండ్రులు చంపిన ఉదంతం వరంగల్ రూరల్​ జిల్లా ముత్యాలపల్లిలో చోటుచేసుకుంది. కుటుంబ కలహాలతో భార్య గొడవపడి పుట్టింటికి వెళ్లిపోయింది. అప్పటి నుంచి మహేష్​ తల్లిదండ్రుల వద్దనే ఉంటున్నాడు. ఈ క్రమంలో మహేష్​ మద్యానికి బానిసయ్యాడు.

రోజూ తాగొచ్చి తల్లిదండ్రులను చితకబాదుతున్నాడు. విసిగిపోయిన తల్లిదండ్రులు రెండు చేతులు కట్టేసి కిరోసిన్​ పోసి సజీవ దహనం చేశారు. మహేష్​ అక్కడికక్కడే కాలి బూడిదయ్యాడు. కేసు నమోదు చేసుకున్న పోలీసులు దర్యాప్తు ప్రారంభించారు.

ఇదీ చూడండి: 3 రోజుల కస్టడీకి కీర్తిరెడ్డి