మూడుముళ్ల బంధంతో ఒక్కటైన వర్ధన్నపేట అబ్బాయి.. ఫ్రాన్స్​ అమ్మాయి

Frans women wardhannapet man : ప్రేమకు హద్దులు, సరిహద్దులు ఉండవంటారు... మనసులు కలిసిన మనుషులను ఏదీ విడదీయలేదు అంటారు. వారి ప్రేమలో నిజాయతీ ఉంటే పెద్దరు ఆశీర్వదిస్తారు.. అలా మనసులు కలిసిన ప్రేమ పెద్దల మనసును గెలిచి వివాహ వేదికగా ఒక్కటయ్యారు. ఫ్రాన్స్​ అమ్మాయితో ప్రేమలో పడిన వర్ధన్నపేట యువకుడు.. మనసిచ్చిన ఆమెను పెద్దల అంగీకారంతో మనువాడాడు.

Frans women wardhannapet man : వరంగల్ జిల్లా వర్ధన్నపేట మండలం నల్లబెల్లి శివారు గుంటూరుపల్లికి చెందిన జితేందర్​ రెడ్డి 12 ఏళ్ల క్రితం ఉద్యోగ రీత్యా ఐర్లాండ్​ వెళ్లాడు. సాఫ్ట్​వేర్​ ఉద్యోగం చేస్తున్న జితేందర్​.. అక్కడే పనిచేస్తున్న ఫ్రాన్స్​ దేశానికి చెందిన ఇనేస్ సొన్ సులోట్​తో పరిచయం ఏర్పడి అదికాస్తా ప్రేమగా మారింది.

వారి ప్రేమ విషయాన్ని ఇంట్లో వాళ్లకు చెప్పి వారి అంగీకారంతో పెళ్లిపీటలెక్కారు. వీరి వివాహం హిందూ సంప్రదాయ పద్ధతిలో వరంగల్​ జిల్లా వర్ధన్నపేటలో ఘనంగా జరిగింది. వివాహ వేడుకకు వధువు తరఫున ముగ్గురు స్నేహితులు హాజరయ్యారని.. వరుడు తండ్రి చిన్నపురెడ్డి తెలిపారు. ఖండాంతరాలు దాటి ఏకమైన జంటను చూసేందుకు గ్రామస్థులు పెద్ద సంఖ్యలో వచ్చి నవవధూవరులను ఆశీర్వదించారు.

ఇదీ చూడండి : వివాహ బంధంతో ఒక్కటైన హనుమకొండ అబ్బాయి... అమెరికా అమ్మాయి